ભારે કરી / સાહેબ ! છોકરીઓને સમજાવો, અમારી મજાક ઉડાવે છે: વિદ્યાર્થીઓએ નામ સાથે આચાર્યને કરી અરજી

• છોકરીઓના ત્રાસથી કંટાળી વિદ્યાર્થીઓએ કરી ફરિયાદ
• આચાર્યને લખ્યો લેટર
• સોશિયલ મીડિયા પર વાયરલ થયો લેટર

ઈન્ટરનેટ પર થોડા દિવસથી કંઈક વાયરલ થઈ રહ્યું છે. જેને વાંચીને અથવા જોઈને લોકો ખૂબ મજા લઈ રહ્યા છે. ત્યારે હવે ફરી એક વાર સોશિયલ મીડિયા પર એક તસ્વીર વાયરલ થઈ રહી છે, જેને જોઈને લોકો હસવા માટે મજબૂર બન્યા છે. આપને જણાવી દઈએ કે, બાળકોને એક લેટર ટ્વિટર પર વાયરલ થઈ રહ્યો છે. આ મજેદાર પત્ર જવાહર નવોદય વિદ્યાલયના બાળકો દ્વારા લખવામા આવ્યો છે. અરજીમાં સ્કૂલના બાળકોએ છોકરીઓની હરકતથી કંગાળીને પ્રિન્સિપાલને ફરિયાદ કરતો પત્ર લખ્યો છે. આ પત્રમાં છોકરાઓએ છોકરીઓની અજબ-ગજબ હરકતોને લઈને વાત કરી છે. 

વાયરલ થનારા આ લેટરમાં જોઈ શકો છો કે, આચાર્યને લખેલા લેટરમાં વિષયમાં વિદ્યાર્થીઓએ લખ્યું છે કે, ધોરણ સાતની છોકરીઓ છોકરાઓ પાસે માફી માગવા હેતું- જે બાદ વિદ્યાર્થીઓએ વિગતવાર લખ્યું છે કે, મહોદય સવિનય નિવેદન છે કે, અમે લોકો ધોરણ સાતના વિદ્યાર્થીઓ છીએ, અમને છોકરીઓ ખોટા નામ લઈને ચિડવે છે. જેમ કે, લલ્લા, પાગલ, ઐકાતમાં રહો અને છોકરાઓના નામ બગાડે છે.

તેમણે આગળ લખ્યું છે કેે, રમેશને ડામર કહે છે અને દિનેશને રસગુલ્લા, લલ્લાની માફક રહો તેમ પણ કહે છએ. છોકરીએ ક્લાસમાં હોબાળો કરે છે. ગીત ગાય છે અને ડાયલોગ બાજી કરે છે. ક્લાસમાં ઉંઘતી રહે છે. આ અરજીમાં છોકરાઓએ બૂમો પાડતી અને હોબાળો મચાવતી છોકરીઓના નામ સાથે અરજી કરી છે. જેમાં જાનવી, શિખા, રિતૂ, કાજલ અને અવની જેવા નામ સામેલ છે. આ લેટર હવે ઈન્ટરનેટ પર વાયરલ થઈ રહ્યો છે. લોકો આ લેટર વાંચીને પોતાના જૂના બાળપણના દિવસો પણ યાદ કરી રહ્યા છે.