હિજાબ વિવાદ વચ્ચે કર્ણાટકની સરકારે આજે મોટો નિર્ણય લીધો છે. જેમા સરકાર દ્વારા આજથી રાજ્યમાં સ્કૂલ કોલેજો શરૂ કરવામાં આવી છે. સાથેજ 9 જિલ્લાઓમાં કલમ 144 લાગૂ કરવામાં આવી છે.
કર્ણાટકમાં આજથી સ્કૂલ કોલેજો ફરી શરૂ
હિજાબ વિવાદ વચ્ચે કોલેજો આજથી શરૂ થશે
9 જિલ્લાઓમાં કલમ 144 લાગૂ
કર્ણાટકમા હિજાબ વિવાદને કારણે છેલ્લા કેટલાક સમયથી સ્કૂલ કોલેજો બંધ કરી દેવામાં આવ્યા હતા. પરંતુ આજથી ફરી બધી શાળા અને કોલેજો ખોલવામાં આવશે. જોકે અહીયા જ્યા સુધી કોઈ બીજો આદેશ ન મળે ત્યા સુધી ધારા 144 લાગૂ રહેશે. આ આદેશ કોલેજોના 200 મીટરના દાયરામાં લાગૂ કરવામાં આવ્યા છે. જેમા ઉડ્ડપી, બગલકોટ, બેંગલુરુ, ચિક્કાબાલાપુરા, ગડક, શિમોગા, મૈસૂર અને દક્ષિણ કર્ણાટકમાં લાગૂ કરવામાં આવ્યો છે.
વાલીઓએ હોબાળો મચાવ્યો
છેલ્લા કેટલાય સમયથી અહીયા હિજાબ વિવાદને કારણે પરસ્થિતી વણસી છે. જે વિવાદ અટકવાનું નામ જ નથી લઈ રહ્યો. ગત મંગળવારે પણ આ વિવાદ એવો જ જોવા મળ્યો જેમા હિજાબ પહેરીને આવેલ અમુક છોકરીઓને પ્રવેશ આપવામાં ન આવ્યો. જેના કારણે વાલીઓએ સ્કૂલ પરિસરમાં ભારે હોબાળો કર્યો હતો. તો બીજી તરફ એક વિદ્યાર્થી દ્વારા ભગવો સ્કાફ લહેરાવાની ધટના સામે આવી હતી.
શાળ કોલેજો ફરી શરૂ કરવાનો નિર્ણય
આપને જણાવી દઈએ કે કર્ણાટક હાઈકોર્ટ દ્વારા થોડાક સમય પહેલા આદેશ આપવામાં આવ્યો હતો કે વિદ્યાર્થીઓ ભગલો સ્કાફ, શોલ કે પછી હિજાબ તે કઈ પણ પહેરીને ક્લાસરૂમમાં નહી જઈ શકે. જોકે હવે હિજાબ વિવાદને કારણે જે પણ સ્કૂલો બંધ હતી તેને આજે સરકાર દ્વારા ખોલી દેવામાં આવી છે. મુખ્યમંત્રી બસાવરાજ બોમ્બઈની અધ્યક્ષતા બેઠક યોજાઈ હતી જે બેઠકમાં સ્કૂલો યુનિવર્સિટી અને કોલેજોને ફરી ખોલવા માટે નિર્ણય લેવામાં આવ્યો છે.
હાઈકોર્ટ સુધી મામલો પહોચ્યો હતો
ઉલ્લેખનીય છે કે કર્ણાટકની એક કોલેજ દ્વારા મુસ્લિમ યુવતીઓને હિજાબ પહેરવા ના પાડવામાં આવી હતી. જેનો તેમણે વિરોધ કર્યો સાથેજ તેમણે આ મુદ્દે ધાર્મિક સ્વતંત્રતાની વાત કરી હતી. પરંતુ હિજાબના વિરોધમાં અમુક લોકોએ ભગવા અને શોલ પહેરવાનું શરૂ કર્યું જેના કારણે વિવાદ વધુ વકર્યો અને મામલો હાઈકોર્ટ સુધી પહોચ્યો હતો.