બાળકો લેટરલ ફ્લો ટેસ્ટમાં નકલી કોરોના પોઝિટિવ રિપોર્ટ પ્રાપ્ત કરવા માટે કરે છે આવી હરકત
બ્રિટનના બાળકો સ્કૂલ ન જવા બનાવી રહ્યા છે પોઝિટિવ રિપોર્ટ
પોઝિટિવ કોરોના રિપોર્ટ બનાવવા વિનેગર અને લીંબૂનો સહારો
સોશિયલ મીડિયા પર અપલોડ થયા આવા ઢગલાબંધ વીડિયો
ભારતમાં બાળકો સ્કૂલ ખુલવાની રાહ જોઈ રહ્યા છે. ત્યાં બ્રિટનમાં બાળકો સ્કૂલ જવાથી બચવા માટે કોરોના મહામારીનો સહારો લઈ રહ્યા છે. લેટરલ ફ્લો ટેસ્ટમાં નકલી કોરોના પોઝિટિવ રિપોર્ટ મેળવવા માટે તે જ્યુસ અને વિનેગરનો ઉપયોગ કરી રહ્યા છે. ટિક-ટોક જેવા સોશિયલ મીડિયા પ્લેટફોર્મ પર નકલી રિપોર્ટ લેવા સાથે જોડાયેલા વીડિયો ખૂબ જ અપલોડ કરવામાં આવી રહ્યા છે.
ટેસ્ટ પોઝિટિવ આવે માટે આ વસ્તુઓનો ઉપયોગ કરી રહ્યા છે બાળકો
એક રિપોર્ટ અનુસાર ટિક-ટોક પર હેશટેક ફેકકોવિડટેસ્ટની સાથે વીડિયો અપલોડ થઈ રહ્યો છે. આ વીડિયોને 65 લાખથી વઘુ વખત જોવામાં આવ્યો છે. બાળકો મોટાભાગે ટેસ્ટ વખતે લીંબૂનો રસ, એપ્પલ સોસ, કોકા કોલ, વિનેગર, હેન્ડ સેનિટાઈઝરનો ઉપયોગ કરી રિપોર્ટ કઠાવી રહ્યા છે.
સોડા ડ્રિંક, ખાટા પદાર્થોનો સહારો
બ્રિટનમાં ફેક્ટ ચેક વખતે ખુલાસો થયો કે ડ્રિંક અને ખાટ્ટા પદાર્થોમાં રેપિડ એન્ટીજન ટેસ્ટ પોઝિટિવ રિઝલ્ટ બતાવી શકે છે. ટિક-ટોક પ્રતિનિધિનું કહેવું છે કે પ્લેટફોર્મ પર દુષ્પ્રચાર કરનાર કન્ટેન્ટને અમે હટાવી દઈએ છીએ. બ્રિટનમાં કોરોનાના કારણે ગયા વર્ષે માર્ટમાં સ્કૂલ બંધ કરવામાં આવ્યા હતા. સંક્રમણ ઘટ્યુ તો જૂનમાં લગભગ 35 ટકા સ્કૂલ ખોલવામાં આવ્યા અને દસ લાખ બાળકો સ્કૂલ જવા લાગ્યા હતા.