તમે પણ ક્યાંક એવા લોકોમાં સામેલ નથી ને જેને હોળી રમવી તો ખુબ ગમે છે, પરંતુ તેના રંગોથી થતી એલર્જીથી ડર લાગે છે. ગભરાશો નહીં. આ વખતે ખુબ હોળી રમો, પરંતુ કેટલીક બાબતોનું ધ્યાન રાખો.
એલર્જીથી બચાવવા માટે:
એલર્જીથી બચવાની સૌથી સારી રીત એ છે કે હોળી રમતા પહેલા તેલ કે ઘીથી ત્વચા પર સારી રીતે મસાજ કરો. જેથી રંગોનો દુષ્પ્રભાવ ન પડે. હોળી રમ્યા બાદ ત્વચા પરથી કે કાઢવા માટે બેસન, દહીંનો પ્રયોગ કરો અને બેસનમાં તેલ મિક્સ કરીને તેને ત્વચા પર ઘસો, તેનાથી રંગ હળવો થશે અને કલરની આડઅસર પણ ઘટશે.
ફેસને એલર્જીથી બચાવવા માટે:
એલોવીરા તમારી ત્વચાને એલર્જીથી બચાવવામાં ફાયદાકારક સાબિત થશે. આ માટે એલોવીરા જેલ કાઢીને તેને ફેસપેકના રુપમાં ચહેરા પર લગાવો અને સુકાઇ જાય ત્યારે ધોઇ નાંખો લીમડાનો ફેસપેક પણ ત્વચાની એલર્જીથી બચવા માટે એક કારગત ઉપાય છે. લીમડાના પાનને પીસીને ચહેરા પર લગાવો અને સુકાઇ જાય ત્યારબાદ તેને ઠંડા પાણીથી ધોઇ લો. કાચા દુધમાં ગુલાબજળ, ચંદન પાવડર, થોડુ બેસન અને એક ચપટી હળદળ ભેળવીને પેસ્ટ બનાવો. તેને ચહેરા પર લગાવો. સુકાઇ જાય પછી પાણીથી ધોઇ લો. આમ કરવાથી હોળીના રંગો ચહેરાને નુકશાન નહીં પહોંચાડી શકે.
વાળની સુરક્ષા કરવા માટે:
હોળી રમવા જાવ તે પહેલા વાળ પર નારિયેળ તેલ, ઓલિવ ઓઇલ અને બદામના તેલને મિક્સ કરીને સારી રીતે મસાજ કરો. તેનાથી હોળીના કલર વાળને નુકશાન નહીં પહોંચાડી શકે. રંગે રમવા જતા પહેલા તમે ઇચ્છો તો તમારા વાળ પર પ્લાસ્ટિક માસ્ક પણ લગાવી શકો છો, જેથી વાળ સંપુર્ણ સુરક્ષિત રાખી શકાય.
હોળી રમ્યા બાદ પહેલા સ્વચ્છ પાણીથી વાળને ધુઓ ત્યારબાદ જ શેમ્પુ કે અન્ય વસ્તુનો ઉપયોગ કરો. વાળ ધોવા માટે કોશિશ કરજો કે હર્બલ શેમ્પુનો જ પ્રયોગ થાય. કેમિકલયુક્ત શેમ્પુ રંગો સાથે મળીને તમારા વાળને નુકશાન પહોંચાડી શકે છે. શેમ્પુનો પ્રયોગ પણ પાણીમાં મિક્સ કરીને કરો. વાળ ધોઇ લીધા બાદ તેને રગડો નહીં. જાતે સુકાવા દો. ત્યારબાદ વાળમાં હળવા હુંફાળા તેલથી માલિશ કરો જેથી વાળને પોષણ મળે અને રંગોના નુકશાનને ઘટાડી શકાય.