કૌભાંડની ગંધ? નેતાઓ તમને બેસવાના બાંકડા આપે છે તેની હકીકત જાણીને ઊભાં થઈ જશો 

'બાકડાં' આ એક ચીજ છે જે ધારાસભ્યો સાંસદો અને મ્યુનિકાઉન્સિલરો પ્રજાને ઉદાર દિલે અર્પિત કરે છે. આજે જન સેવકોના નામની તકતી વાળા બાકડાઓ શહેરોમાં અને ગામડાઓમાં જાહેરસ્થળો પર અને ખાનગી સોસાયટીઓમાં ઠેર-ઠેર જોવા મળે છે. કેમ કે નેતાઓને ગાદી મળી ગયા પછી પ્રજાને સૌપ્રથમ આપવા જેવી ચીજ લાગતી હોત તો તે બાંકડાં છે. બાકડાં જે તે નેતાના પ્રચારનું જાણે કે સ્ટેન્ડ બની જાય છે પરંતુ આ બાંકડાની ખરી કિંમત ખરીદ કિંમત અને બિલમાં મૂકાતી કિંમત વચ્ચેના તફાવતો જાણીને તમે આ બાકડાં પર બેસી તેની જ ચર્ચામાં મશૂગલ થઈ જશો. જુઓ નેતાઓના બાકડાપ્રેમ પાછળની હકીકતનો આ અહેવાલ. 

જનપ્રતિનિધિઓ દ્વારા જનતાની સેવામાં ગોઠવાયેલા આ બાંકડાં જુઓ. ટાઈલ્સવાળા બાંકડા ચાઈના મોઈઝોક વાળા બાંકડા રસ્તા કાંઠેના બાંકડા શરીના નાકા પરના બાંકડા તો વળી ક્યાંક તકતીની રાહજોતા બાંકડાં. તકતી લગાડેલા બાંકડા અને આ લોકોથી શોભતા બાંકડા તો ક્યાંક સૂના-સૂના બાંકડા નેતાઓ ચૂંટાયા બાદ જો કોઈ પ્રથમ કામ હાથ પર લેતા હોય તો તે પાતના વિસ્તારમાં બાંકડા ગોઠવવાનું કરતા હશે. કેમ કે તેમને ગાદી મળે તો જનતાને કમસે કમ બાકડા તો મળવા જ જોઈએ તેવું તેઓ માનતા હશે અને એટલે જ જાણે નેતાઓ વચ્ચે પોતાના મતવિસ્તારમાં પોતાના નામની તકતી વાળા બાંકડા ગોઠવવાની હોડ જામી છે. 

રાજ્યના ધારાસભ્યો કે મ્યુનિસિપલ કાઉન્સિલરોને સ્થાનિક વિસ્તાર વિકાસ માટે મળતી વાર્ષિક ગ્રાન્ટ તો જાણે  સાર્વજનિક સ્થળો પર બાંકડા ગોઠવવામાં જ વપરાઈ જતી હોય તેવો નજારો જાહેર રસ્તાઓ પરદેખાઈ રહ્યો છે. રાજ્યના ધારાસભ્યોને વાર્ષિક રૂપિયા દોઠ કરોડની ગ્રાન્ટ સ્થાનિક વિસ્તાર વિકાસ માટે ફાળવાય છે. પાંચ વર્ષના હિસાબે આ ગ્રાન્ટ સાડા સાત કરોડ રૂપિયા જેવી થાય છે પણ ધારાસભ્યોમાં અન્ય સ્થાનિક જરૂરિયાત પૂરી કરવા કરતાં બાંકડા પ્રેમ સવિશેષ જોવા મળે છે પરંતુ તમને જાણીને નવાઈ લાગશે કે સરકારી ખર્ચે જાહેર સ્થળો પર ગોઠવાતા બાંકડાની ખરી કિંમત અને ખરીદ કિંમતમાં ઘણો તફાવત હોય છે.

બજારમાં રૂ.2500 આસપાસ મળતા બાંકડા ખરીદવા માટે  ખુદ સરકારે પોતાનો એસઓઆર રેટ 4000 રૂપિયા જેટલો ઉંચો રાખ્યો છે. જે બાંકડા સસ્તા મળી શકે છે. તેને સરકાર ખુદ ઊંચા ભાવે કેમ ખરીદી રહી છે. જનતાના નાણાં વેડફાઈ રહ્યાનો આ સવાલ જનતાના મનમાં તો નથી ઉઠતો પરંતુ ખુદ એક ધારાસભ્યના મનમાં ઊઠી રહ્યો છે અને એટલે તેઓ પોતાના વિસ્તાર માટે બાકડાની ખરીદીથી દૂર રહ્યા છે.

સરકારી બાંકડાઓ તેના નિર્માણ ખર્ચ અને બજાર ખર્ચ કરતાં વધારે  કિંમતે ખરીદાય છે. જેનાથી પ્રજાના નાણાંનો વ્યય થાય છે અને ગેરરીતી અચરાતી હોય તેવી શંકા પ્રેરે છે. પ્રજાના નાણાંના દુર્વ્યય પર ખુદ એક ધારાસભ્ય ખૂલીને બોલી રહ્યા છે. ધારાસભ્ય અલ્પેશ ઠાકોરના મતે બાકડાઓની ખરીદીમાં મોટી વિસંગતતા છે જે મોટા કૌભાંડ તરફ દિશા નિર્દેશ કરે છે તો વેજલપુરના ધારાસભ્ય કિશોર ચૌહાણ શહેરીક્ષેત્ર અને ગ્રામીણક્ષેના એસઓઆર રેટ અલગ અલગ હોવાની વાત કરી રહ્યા છે.




સરકારની બાકડા ખરીદીનો એસઓઆર બજાર ભાવ કરતા ઊંચો હોવો તે વાત અનેક સવાલો ઊભા કરે છે. આ રીતે જનતાના નાણાંનો વેડફાટ થઈ રહ્યો છે. એકસો બ્યાંસી ધારાસભ્યો દ્વારા બાકડા ખરીદી પાછળ આ રીતે વધારાના ખર્ચાતી રકમનો હિસાબ કરવામાં આવે તો આ રકમ કરોડો રૂપિયા પર પહાચે છે. બાંકડા બજારભાવ કરતા વધારે પૈસા ચૂકવવામાં ઉત્સાહી સરકાર. પ્રાથમિક સુવિધાઓ પાછળ પૂરતું ભંડોળ ફાળવવામાં ઉદાસીનતા દાખવે છે.