ગુજરાત / ગરીબ ખેડૂતોની જમીન પડાવી લેવાનું કૌભાંડ, ભળતા નામના ઉપયોગથી કરાવી ખોટી વારસાઈ

આણંદમાં ભળતા નામનો દુરુપયોગ કરી ખેડૂતોની જમીન પડાવી લેવાનું કૌભાંડ સામે આવ્યું. અમદાવાદના વ્યક્તિએ નામનો દુરુપયોગ કરીને આણંદના 29 ખેડૂતોની જમીન પચાવી લીધી હતી. મળતી માહિતી મુજબ ચંદુભાઈ મંગળભાઈ નામના 29 ખેડૂતોની જમીનમાં અમદાવાદના વ્યક્તિએ વારસાઈ કરાવી હતી. જેને લઇ તમામ ખેડૂતોની જમીનોમાં નામ દાખલ કરાવવા કાર્યવાહી હાથ ધરવામાં આવી છે.

પૂર્વ પોલીસ અધિકારીના વારસદારોએ ચંદુ મંગળ નામના ખેડૂતોની જમીનમાં નામ દાખલ કરવા અરજી કરી હતી. જેથી આજે આણંદ કલેક્ટરની કોર્ટમાં 29 ચંદુભાઈ નામના ખેડૂતોને સાંભળવામાં આવ્યા હતા.

ત્યારે કોના ઈશારે આટલા ચંદુભાઈ નામના ખેડૂતોના દસ્તાવેજમાં એન્ટ્રી થઈ તે મોટો સવાલ ઉભો થયો છે. સાથે આ સમગ્ર પ્રકરણમાં ઊંડાણ પૂર્વકની તાપસ થાય તો મોટા ખુલાસા થવાની પણ શક્યતા છે.

આ પણ વાંચોઃ કોણ છે 'આગ્રા' ફિલ્મમાં બોલ્ડ સીન આપનાર રૂહાની શર્મા, જેને OTT પર મચાવી ધમાલ, Photos જોઇ ફીદા થઇ જશો

ભોગ બનનાર ચંદુભાઈ મંગળભાઈએ જણાવ્યુ હતુ કે કલેક્ટ કચેરીમાંથી મારી જમીનમાં ઓનલાઇન વારસાઇ થવાની નોટિસ આવી હતી. જેમાં ચંદુભાઇ મંગળભાઇનું મૈયત 12-5-1985 માં બતાવ્યુ હતુ. હાલ મારી ઉંમર 45 વર્ષની છે અને અમારી 6 નંબરની એન્ટ્રીમાં મારુ મૃત્યુ થયું હોવાનું કોઇએ લખાવ્યું છે. અને આ રીતે અમદાવાદનો ગોપાલ બ્રહ્મભટ્ટ ખોટી વારસાઇ કરીને પેઢીમાં નામ દાખલ કરી રહ્યા છે. જેને લઇ આજે કચેરીએ આવવાની વારી આવી છે. આ બાબતે તંત્ર દ્વારા પણ કોઇ ઉકેલ ન આવતા ઘંધો રોજગાર છોડીને કચેરીઓના ધક્કા ખાવાની વારી આવી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ