સાવધાન / 75 વર્ષનાં કાકા સામે મહિલાએ ઉતારી દીધા કપડાં! VIDEO કોલથી લાખો રૂપિયા ઉસેટી લેતી ગેંગથી સાચવજો

• 75 વર્ષીય વૃદ્ધ સાથે થઈ છેતરપિંડી 
• 2 લાખથી વધુનો લાગ્યો ચુનો 
• જાણો શું છે સમગ્ર મામલો 

ઘાટકોપરના એક 75 વર્ષીય વૃદ્ધ સાયબર છેતરપિંડીનો શિકાર બન્યા છે. તેમણે એક મહિલા સાથે વીડિયો કોલ કર્યો હતો અને ત્યારબાદ તેને રેકોર્ડિંગ દ્વારા બ્લેકમેલ કરવામાં આવ્યો હતો. આ ફ્રોડને દિલ્હી પોલીસના વરિષ્ઠ અધિકારીઓ અને પત્રકારો જણાવવામાં આવ્યા અને વૃદ્ધ નારગિક પાસેથી 2.21 લાખ રૂપિયાનો ફ્રોડ કરવામાં આવ્યો.  

વોટ્સએપ પર આવ્યો વીડિયો કોલ
કેસની તપાસ કરી રહેલી ઘાટકોપર પોલીસના જણાવ્યા અનુસાર, ફરિયાદીને 5 સપ્ટેમ્બરના રોજ એક અજાણ્યા નંબર પરથી વોટ્સએપ મેસેજ મળ્યો હતો, જેમાં લખ્યું હતું કે, 'હું જયપુરથી છું,'. 

આ પછી તે જ નંબર પરથી વીડિયો કોલ કરવામાં આવ્યો હતો. જ્યારે ફોન આવ્યો ત્યારે તેણે જોયું કે એક મહિલા તેના કપડા ઉતારતી હતી. તેણે વૃદ્ધને પણ તે જ કરવા વિનંતી કરી જેના પર તેણે ફોન કાપી નાખ્યો.

IPS ઓફિસર બનીને માંગ્યા પૈસા 
થોડા કલાકો પછી તેને બીજા અજાણ્યા નંબર પરથી ફોન આવ્યો. પોલીસ અધિકારીએ જણાવ્યું કે, "કોલરે પોતાની ઓળખ દિલ્હી પોલીસના IPS ઓફિસર રાહુલ અહિરવાર તરીકે આપી હતી. 

તેણે વૃદ્ધને કહ્યું કે તેની પાસે એક મહિલા સાથેના તેના વીડિયો કોલનું રેકોર્ડિંગ છે અને જો તેને 30,500 રૂપિયા નહીં મળે તો તે વીડિયો YouTube પર અપલોડ કરવામાં આવશે." તેણે 75 વર્ષીય વૃદ્ધ સાથે બેંક ખાતાની વિગતો પણ શેર કરી.

પછી પત્રકાર બનીને માંગ્યા પૈસા 
પોલીસ અધિકારીએ જણાવ્યું કે નકલી પોલીસ અધિકારીએ વૃદ્ધ વિરુદ્ધ એફઆઈઆર નોંધવાની ધમકી પણ આપી હતી અને કહ્યું હતું કે જો તે પૈસા ટ્રાન્સફર નહીં કરે તો તે મોટા લફડામાં ઉતરી શકે છે. ડરીને વૃદ્ધે ફોન કરનારને રકમ ટ્રાન્સફર કરી દીધી. ત્યારપછી તેને અન્ય અજાણ્યા નંબર પરથી કોલ આવ્યો હતો. 

વૃદ્ધ પાસેથી પડાવ્યા 2.21 લાખ 
એફઆઈઆરમાં જણાવાયું છે કે કોલર પત્રકાર રાહુલ શર્મા તરીકે તેની ઓળખ જણાવી રહ્યો હતો અને ફરિયાદી દ્વારા 50,000 રૂપિયાની ચૂકવણી ન કરવા બદલ રેકોર્ડ કરાયેલ વીડિયો કોલને સોશિયલ મીડિયા પર વાયરલ કરવાની ધમકી આપવામાં આવી હતી. જ્યારે વૃદ્ધે રકમ ટ્રાન્સફર કરી ત્યારે આરોપી તેની પાસેથી વધુ રકમ નિકાળવા માટે ઉશ્કેરાઈ ગયો. ફ્રોડે વૃદ્ધ પાસેથી 2.21 લાખ રૂપિયા મેળવવામાં સફળ રહ્યા. 

પોલીસે દાખલ કર્યો કેસ 
જ્યારે તેણે વધુ પૈસાની માંગણી કરી તો વૃદ્ધ 12 સપ્ટેમ્બરે પોલીસનો સંપર્ક કર્યો. ઘાટકોપર પોલીસે બંને આરોપીઓ વિરુદ્ધ પબ્લિક સર્વેન્ટ, જબરદસ્તી વસુલી અને કમ્પ્યુટર સાધનોનો ઉપયોગ કરી ઠગવાનો કેસ દાખલ કર્યો છે.