IPLIN
 
  • Home
  • Sports
  • Cricket
  • 'Scam 2020': Indians Hilariously Remind Aaron Finch, Maxwell of IPL as Australian Batsmen Hammer India

સ્પોર્ટ્સ / કરોડોના ખેલાડીઓ IPLમાં ફ્લોપ પણ ભારત સામે કર્યો કમાલ, યુઝર્સે આ રીતે ઉડાવી મજાક

Team VTV 04:51 PM, 01 Dec 20 | Updated: 04:52 PM, 01 Dec 20
Follow us
'Scam 2020': Indians Hilariously Remind Aaron Finch, Maxwell of IPL as Australian Batsmen Hammer India

આઇપીએલ-૨૦૨૦માં સાથે રમનારા ભારત અને ઓસ્ટ્રેલિયાના ખેલાડી હવે એકબીજા વિરુદ્ધ રમી રહ્યા છે. બંને ટીમ વચ્ચે રમાઈ રહેલી વન ડે શ્રેણીમાં હાલ ૨૦ ખેલાડી એવા છે, જેમણે યુએઈ ખાતે રમાયેલી આઇપીએલમાં ભાગ લીધો હતો. 

  • આઇપીએલમાં ફ્લોપ રહ્યા હતા આ ખેલાડીઓ 
  • વન ડેમાં ટીમ ઇન્ડિયા સામે તોફાની બેટિંગ કરી
  • એરોન ફિંચ, સ્ટીવ સ્મિથ અને ગ્લેન મેક્સવેલે કર્યું કમાલ 

આઇપીએલમાં ઘણા ખેલાડીઓએ શાનદાર પ્રદર્શન કર્યું હતું તો કેટલાક ખેલાડી ફ્લોપ પણ રહ્યા હતા. એ જ કારણ છે કે શરૂઆતની બે વન ડેમાં ત્રણ ઓસ્ટ્રેલિયન ખેલાડીઓની ચર્ચા સૌથી વધુ થઈ રહી છે, જેઓનું પ્રદર્શન આઇપીએલમાં કંઈ ખાસ રહ્યું નહોતું, પરંતુ ટીમ ઇન્ડિયા સામે તોફાની બેટિંગ કરીને ભારતીય બોલિંગ આક્રમણને ધ્વસ્ત કરી નાખ્યું છે. આ ત્રણ ખેલાડીઓ છે- એરોન ફિંચ, સ્ટીવ સ્મિથ અને ગ્લેન મેક્સવેલ.

એરોન ફિંચઃ 

આઇપીએલ-૨૦૨૦માં વિરાટની કેપ્ટનશિપમાં આરસીબી તરફથી રમેલાે ફિંચ લીગમાં કંઈ ખાસ ઉકાળી શક્યો નહોતો. તેણે ૧૨ મેચમાં માત્ર એક અર્ધસદીની મદદથી ૨૬૮ રન બનાવ્યા હતા, પરંતુ ભારત સામેની પ્રથમ વન ડેમાં ફિંચે ૧૨૪ બોલમાં ૧૧૪ રન અને બીજી વન ડેમાં ૬૯ બોલમાં ૬૦ રન સાથે કુલ ૧૭૪ રન ફટકારી દીધા.

સ્ટીવ સ્મિથઃ 

આઇપીએલમાં રાજસ્થાન રોયલ્સના કેપ્ટન સ્ટીવ સ્મિથે લીગની ૧૪ મેચમાં ત્રણ અર્ધસદીની મદદથી ૩૧૧ રન બનાવ્યા. તેનો સ્ટ્રાઇક રેટ પણ ૧૩૧ રનનો જ રહ્યો હતો, પરંતુ ભારત સામેની પ્રથમ વન ડેમાં માત્ર ૬૬ બોલમાં ૧૦૫ રન અને બીજી વન ડેમાં ૬૪ બોલમાં ૧૦૪ રનની ઇનિંગ્સ રમી. આમ સ્મિથે ભારત સામેની બે વન ડેમાં ૨૦૯ રન ફટકારી દીધા.

ગ્લેન મેક્સવેલઃ 

રૂ. ૧૦.૫ કરોડમાં પંજાબે ખરીદેલાે ઓલરાઉન્ડર ગ્લેન મેક્સવેલ ૨૦૨૦ની આઇપીએલમાં સંપૂર્ણપણે નિષ્ફળ રહ્યો હતો, જેના કારણે મેક્સવેલની આકરી ટીકા પણ થઈ હતી. મેક્સવેલ આઇપીએલની ૧૩ મેચમાં માત્ર ૧૦૮ રન જ બનાવી શક્યો હતો. આ દરમિયાન તેની સરેરાશ ૧૫ અને સ્ટ્રાઇક રેટ ૧૦૦થી થોડો વધુ રહ્યો હતો. મેક્સવેલ જેવો આક્રમક બેટ્સમેન આ વખતની આઇપીએલમાં એક પણ છગ્ગો ફટકારી શક્યો નહોતો, પરંતુ ત્યાર બાદ તેણે ભારત સામેની પ્રથમ વન ડેમાં ૧૯ બોલમાં ૪૫ રન અને બીજી વન ડેમાં માત્ર ૨૯ બોલમાં ૬૩ રન ઝૂડી કાઢ્યા. આમ, મેક્સવેલે ભારત સામેની બંને વન ડેમાં કુલ ૧૦૮ રન ફટકારી દઈને ભારતીય બોલિંગ આક્રમણને ધ્વસ્ત કરી નાખ્યું.

આ ખેલાડીઓએ આઇપીએલમાં અત્યંત નિરાશાજનક પ્રદર્શન કર્યું હતું જે બાદ હવે સોશ્યલ મીડિયામાં કંઇક આ રીતે ખેલાડીઓની મજાક કરવામાં આવી રહી છે. 

sports IND Vs AUS Steve Smith Glane Maxwell
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ