મુંબઈ / આરે કોલોનીમાં આરી ચલાવવાને લઈને SCએ લગાવ્યો પ્રતિબંધ, સરકાર પર લોકોનો વિરોધ પડયો ભારે

• આરે કોલોનીમાં કપાઈ રહેલા વૃક્ષોને લઈને SCનો નિર્ણય
• વૃક્ષો ન કાપવાની આપી સૂચના
• 1500 વૃક્ષો કપાઈ ચૂક્યા હતા
• 2700 વૃક્ષો કાપવાનો હતો પ્લાન
• મેટ્રો શેડ માટે કાપવામાં આવી રહ્યા હતા વૃક્ષો

મેટ્રોને જેટલા ઝાડ કાપવા હતા તેટલા કપાઈ ચૂક્યા છેઃ સંજય હેગડે

આરે કોલોનીને લઈને સુપ્રીમ કોર્ટ મોટો નિર્ણય લીધો છે. સર્વોચ્ચ અદાલતે મહારાષ્ટ્ર સરકારને ઝાડ કાપવાનું રોકી દેવાનો આદેશ આપ્યો છે. SCએ કહ્યું કે ઝાડ કાપવાનું કામ તરત જ રોકી દેવામાં આવે અને હવે એક પણ વધારે ઝાડ કાપવામાં  આવે. સુપ્રીમ કોર્ટના આ આદેશમાં મહારાષ્ટ્ર સરકારે હામી ભરી છે. 

કેસની વિગતે થશે તપાસઃ SC

સુપ્રીમ કોર્ટનું કહેવું છે કે તે આ મામલાની તપાસ કરશે અને આગળ પોતાનો કેસ રજૂ કરશે. કોર્ટે કહ્યું છે કે જો તે ખોટું છે તો તે ખોટું છે, ભલે તે માત્ર એક ટકા જ હોય. આ સમય દરમિયાન કોર્ટે મહારાષ્ટ્ર સરકાર પાસે સોગંદનામું માંગ્યું છે અને હાલની પરિસ્થિતિ અંગે માહિતી માંગી છે. આ સમય દરમિયાન સુપ્રીમ કોર્ટ આરે કોલોનીના સંવેદનશીલ વિસ્તાર અંગે નિર્ણય લેશે. હવે આ મામલે 21 ઓક્ટોબરના રોજ સુનાવણી થશે.
 

Supreme Court asks that activists who were arrested should be released. 'In case those are still not released shall be released immediately,' assures Solicitor General Tushar Mehta. SC also asks to include Union Environment ministry a party. Next hearing on October 21. https://t.co/jOBQmtjWeg

— ANI (@ANI) October 7, 2019

સુપ્રીમે કહ્યું કે નોટિફિકેશન બતાવો

સુપ્રીમ કોર્ટમાં આરે કોલોની મુદ્દે સુનાવણી શરૂ થઈ ચૂકી છે. અરજીકર્તાની તરફથી જણાવવામાં આવ્યું છે કે આ અગાઉ પણ અનેક અરજીઓ કરવામાં આવી હતી. સુપ્રીમ કોર્ટે પૂછ્યું કે શું અમે બધી અરજીઓ સાંભળીએ અને પછી તેને સાંભળીને દરેક મુદ્દા પર ચર્ચા કરીએ. વકીલ ગોપાલે કહ્યું કે આરેનો મુદ્દો ઘણો જૂનો છે. મહારાષ્ટ્ર તરફથી તેની પર કોઈ પરિભાષા આપવામાં આવી નથી. મેટ્રો પ્રોજેક્ટની શરૂઆત થઈ ત્યારે સંજય ગાંધી વનને સંવેદનશીલ જાહેર કરવાની માંગ કરી હતી. ત્યારે મહારાષ્ટ્ર સરકારે નોટિફિકેશન જાહેર કર્યું અને આ વિસ્તારને સંવેદનશીલ ગણવાની મનાઈ કરી. સુપ્રીમે કહ્યું કે નોટિફિકેશન બતાવો અને તેમાં કોલોનીનો ઉલ્લેખ હોવો જરૂરી છે.

Supreme Court asks Maharashtra Government to not cut more trees at #Aarey Colony. Solicitor General Tushar Mehta appearing for Maharashtra Government assures the bench that henceforth no trees will be cut. pic.twitter.com/oLSzCZsXcY

— ANI (@ANI) October 7, 2019

કોણે કરી સુપ્રીમમાં દલીલ.

સુપ્રીમ કોર્ટમાં વિદ્યાર્થીો તરફથી વરિષ્ઠ વકીલ સંજય હેગડે, મહારાષ્ટ્ર સરકાર તરફથી તુષાર મહેતા અને મુંબઈ મેટ્રોની તરફથી મનિંદર સિંગ દલીલ કરી રહ્યા હતા. 

બોમ્બે હાઈકોર્ટ દ્વારા મુંબઈના હરિયાળીથી ભરેલા વિસ્તાર આરે કોલોનીમાં ઝાડ કાપવાના મુદ્દે વિરોધ કરનારી તમામ અરજીઓને ફગાવી દીધા બાદ શુક્રવારે ઝાડ કાપવાનું કામ શરૂ થયું હતું. વિરોધ કરનારા લોકોએ આરોપ લગાવ્યો કે તંત્રએ ઝાડ કાપવાનું શરૂ કર્યું છે. લોકોએ કહ્યું કે જે 2600થી વધારે ઝાડ કપાવવાના છે તેમાંથી 200 તો શુક્રવારે જ કપાઈ ગયા છે.

ઝાડ કાપવાના વિરોધમાં લોકો આવ્યા હતા સડક પર, સેલેબ્સે પણ નોંધાવ્યો વિરોધ

પ્રસ્તાવિત કાર શેડ સ્થળ પર મોટી સંખ્યામાં પોલીસ તૈનાત કરવામાં આવી છે કારણ કે શુક્રવારે મોડી રાતે સેંકડો લોકો ઝાડ કાપવા અટકાવવા માટે સડક પર ઉતરી આવ્યા હતા. અનેક ટ્વીટ કરીને આ મુદ્દા પર દેવેન્દ્ર ફડણવીસ સરકાર અને મુંબઈ મહાનગરપાલિકાની પણ નિંદા કરવામાં આવી છે. અનેક રાજકીય નેતાઓ અને બોલિવૂડ સ્ટાર્સે ટ્વિટ કરીને વૃક્ષો કાપવા માટે વિરોધ નોંધાવ્યો હતો અને આ નિર્ણયને વખોડ્યો હતો. 

શું હતો કેસ?

મુંબઈના આરેમાં વૃક્ષોના કટિંગ પર પ્રતિબંધ લગાવવામાં આવ્યો છે. સુપ્રીમ કોર્ટે વૃક્ષો ન કાપવા જણાવ્યું છે. ઉલ્લેખનીય છે કે મેટ્રો શેડ માટે વૃક્ષો કાપવામાં આવ્યા હતા અને મુંબઈની NGO અને લોકોએ વૃક્ષો કાપવાની વિરુદ્ધમાં અરજી કરી હતી.  મેટ્રો શેડ માટે કુલ 2700 વૃક્ષો કાપવાની યોજના હતી. 200 વૃક્ષોને રાતોરાત કાપી દેવામાં આવ્યા ત્યારથી વિરોધ શરૂ કરવામાં આવ્યો હતો. સુપ્રીમ કોર્ટનો નિર્ણય આવ્યો ત્યાં સુધી 1500 વૃક્ષો કપાઈ ચૂક્યા હતા.