સીબીઆઈ કોર્ટને ચિદમ્બરમની કસ્ટડી સોમવાર સુધી મળી છે. સુપ્રીમ કોર્ટે કહ્યું કે તેની અરજી મંજૂર કરવામાં આવતી નથી અને સોમવાર સુધીની કસ્ટડી આપવામાં આવી છે. હવે સોમવારે સુનાવણી કરીશું. સીબીઆઈ દ્વારા ગિરફ્તારીને ચેલેન્જ કરવામાં આવી છે. અને હવે કોર્ટ સોમવારે નિર્ણય આપશે.
પૂર્વ કેન્દ્રીય મંત્રી પી. ચિદમ્બરમ INX મીડિયા કેસમાં સીબીઆઈના સકંજામાં છે. ગુરુવારે દિલ્હીની રાઉઝ એવન્યૂ કોર્ટે ચિદમ્બરમને 4 દિવસ માટે સીબીઆઈની કસ્ટડીમાં મોકલી દીધા હતા. આ કેસમાં ચિદમ્બરમના વકીલે સુપ્રીમ કોર્ટની મુલાકાત લીધી ત્યારે નક્કી થયું કે હવે ચુકાદો સોમવારે આપવામાં આવશે. દિલ્હી હાઈકોર્ટે પહેલાં જ ચિદમ્બરમને અંતરિમ જામીન આપવાની મનાઈ કરી છે. આ નિર્ણયને પી. ચિદમ્બરમના વકીલ સર્વોચ્ચ અદાલતમાં લઈને જશે. સુપ્રીમ કોર્ટમાં શુક્રવારે જામીનને લઈને સુનાવણી હોવાના કારણે પત્ની નલિની અને તેમનો દીકરો કાર્તિક પણ હાલમાં કોર્ટ પહોંચી ચૂક્યા હતા.
કોંગ્રેસના નેતા અને દેશના નાણા તથા ગૃહમંત્રી રહી ચૂકેલા પી. ચિદમ્બરમ વિરુદ્ધ ભ્રષ્ટાચાર અને નાણાંની હેરાફેરીના 6 મોટા કેસ થયેલા છે. આ તમામ કેસો નીચલી કે ઉપલી અદાલતોમાં પડતર છે. તમામમાં સીબીઆઇ, ઇડી, આઇટી ચિદમ્બરમની પૂછપરછ કરી રહી છે કે તેમને સમન્સ પાઠવી ચૂકી છે.