સામાજિક / માત્ર જાતિનું નામ ઉચ્ચારવાથી ફરિયાદ દાખલ ન થઈ શકે, અપમાનની ભાવના હોય તો જ કેસ- HCનો મોટો ચુકાદો

• sc અને stને અત્યારથી બચાવવા બનાવાયો છે એક્ટ
• એક્ટને લઈને કર્ણાટક હાઈકોર્ટની મોટી ટીપ્પણી
• અપમાનની ભાવનાને જ કેસ દાખલ કરવાનો આધાર ગણાવ્યો 

અનુસૂચિત જાતિ અને અનુસૂચિત જનજાતિ સમાજના લોકોને અત્યાચારથી બચાવવા માટે એસસી-એસટી એક્ટ બનાવવામાં આવેલો છે. જો કે દેશના અલગ અલગ ભાગોમાંથી આ કાયદાનો દુરઉપયોગ થયો હોવાના અહેવાલો મળી રહ્યા છે. આ બધાની વચ્ચે કર્ણાટકમાં પણ આવો જ એક કેસ નોંધાયો હતો જેમાં એક વ્યક્તિએ એસસી સમુદાયના એક વ્યક્તિને પોતાની જાતિના નામથી બોલાવ્યો હતો તેથી તેની સામે પોલીસ કેસ દાખલ થયો હતો અને તેની ધરપકડ પણ કરવામાં આવી હતી.આ મામલો કર્ણાટક હાઈકોર્ટ પહોંચ્યો છે. 

અપમાનની ભાવના હોય તો કેસ દાખલ થઈ શકે 
આ કેસ પર સુનાવણી કરતા કર્ણાટક હાઈકોર્ટે એક મોટી ટીપ્પણી કરી. બેંગલુરુના બાંદેસન્દ્રાના રહેવાસી વી શૈલેષ કુમારની અરજી પર જસ્ટિસ એમ નાગપ્રસન્નાએ કહ્યું કે એસસી/એસટી સમુદાયની વ્યક્તિને માત્ર તેની જાતિ દ્વારા બોલાવવી એ કાયદાનું ઉલ્લંઘન નથી, સિવાય કે તેનામાં અપમાનની ભાવના હોય. અપમાનની ભાવના હોય તો જ કેસ દાખલ થઈ શકે. 

શું બન્યો હતો બનાવ 
2020માં ક્રિકેટ મેચમાં બે ટીમો વચ્ચે વિવાદ થયો હતો. જયમ્મા નામની મહિલાએ આરોપ લગાવ્યો હતો કે તેનો પુત્ર અને તેનો મિત્ર બંને એક દુકાન પાસે જમી રહ્યા હતા ત્યારે  શૈલેષ કુમાર નામના બાઈક પર આવેલા શખ્સે આવીને પુત્રને ગાળો ભાંડી હતી. એટલું જ નહીં, બીજા શખ્સે તેના પુત્રને બિયરની બોટલથી માર માર્યો હતો. આ મામલે પોલીસે 2021માં ચાર્જશીટ રજૂ કરી હતી. વર્ષ 2021માં સ્પેશિયલ જજે હેરેસમેન્ટ એક્ટ હેઠળ કેસ નોંધવાનો આદેશ આપ્યો હતો, જેને આરોપી શૈલેષે હાઈકોર્ટમાં પડકાર્યો હતો. શૈલેષે જણાવ્યું હતું કે, જાતિનું નામ લઈને તેની સાથે દુર્વ્યવહાર કરવામાં આવ્યો હતો, પરંતુ તેનું અપમાન કરવાનો ઈરાદો નહોતો. કોર્ટે કહ્યું કે, જે કેસ રજૂ કરવામાં આવ્યો છે તેમાં એ સ્પષ્ટ નથી કે આરોપીએ અપમાનના ઈરાદે તેને જાતિના નામે સંબોધન કર્યું હતું. હવે આવી સ્થિતિમાં એસસી-એસટી એક્ટ હેઠળ કાર્યવાહી કરવી એ કાયદાનો દુરુપયોગ ગણાશે.

અપમાનથી ભાવનાથી જાતિનું નામ લીધું હોય તો કેસ દાખલ થઈ શકે
હાઈકોર્ટે તેના ચુકાદામાં એવું પણ નોંધ્યું છે કે જો કોઈ અપમાનના ઈરાદાથી જાતિનું નામ લઈને તેની સાથે ગાળાગાળી કરે તે જાતિસૂચક શબ્દો બોલે તો એસસી-એસટી એક્ટ હેઠળ કાર્યવાહી થઈ શકે.