કાર્યવાહી / મુકેશ અંબાણીને મોટો ફટકો, સુપ્રીમ કોર્ટે આ મોટી ડિલ પર રોક લગાવવાનો આપ્યો આદેશ

• રિલાયન્સ અને ફ્યૂચર રિટેઇલને ઝટકો
• 24 હજાર કરોડની ડીલ પર સુપ્રીમકોર્ટની રોક
• સુપ્રીમકોર્ટે અમેઝોનના પક્ષમાં આપ્યો ચુકાદો

સુપ્રીમ કોર્ટે કહ્યું છે કે કટોકટી અવોર્ડ ભારતીય કાયદામાં લાગુ કરી શકાય છે. આ મામલે મહત્વનો નિર્ણય આપતી વખતે સુપ્રીમ કોર્ટે દિલ્હી હાઈકોર્ટની સિંગલ બેન્ચના આદેશને માન્ય રાખ્યો છે. સુપ્રીમ કોર્ટે આ નિર્ણય રિલાયન્સ-ફ્યુચર ગ્રુપ ડીલ સામે એમેઝોનની અરજી પર આપ્યો છે. આ નિર્ણયની અસર રિલાયન્સ રિટેલ સાથે ફ્યુચર ગ્રુપના સોદા પર પણ પડશે.

ઉલ્લેખનીય છે કે, કોર્ટે આ નક્કી કરવાનું હતું કે, શું ઈમરજન્સી ઓર્બિટ્રેટરની પાસે આર્બિટલ ટ્રિબ્યૂનલનો કાનૂની દરજ્જો ધરાવે છે?શું તેને ભારતમાં લાગૂ કરવામાં આવી શકે છે ? શું ફ્યૂચર ગ્રુપની અપીલ દિલ્હી હાઈકોર્ટની ડિવિઝન બેંચ સમક્ષ સુનાવણી યોગ્ય છે ? ફ્યૂચર ગ્રુપના રિલાયન્સ ઈન્ડસ્ટ્રી સાથેના 3.4 બિલિયન ડોલરના સોદાને અમેઝોને પડકાર ફોંક્યો હતો.

સોદા પર પ્રતિબંધ લગાવવાના આપ્યા નિર્દેશ

અમેઝોનના પક્ષમાં સિંગાપુર સ્થિત ઈમરજન્સી આર્બિટ્રેટરે ફ્યૂચર ગ્રુપને રિલાયન્સ રિટેલ સાથે 27,513 કરોડ રૂપિયાના સોદા પર પ્રતિબંધ લગાવવાના નિર્દેશ આપ્યા છે. જેને પહેલા દિલ્હી હાઈકોર્ટમાં  પડકારવામાં આવ્યો હતો. અમેઝોને સુપ્રીમ કોર્ટમાં કહ્યું હતું કે, સિંગાપુરના આપાતકાલિન પુરસ્કારના FRLને રિલાયન્સ રિટેલની સાથેના વિલિનિકરણના સોદાને રોકવાનો નિર્ણય માન્ય છે અને તેનો અમલ થવો જોઈએ. 

સુપ્રીમ કોર્ટે ગુરુવારે નિર્ણય અનામત રાખ્યો

કોર્ટે નક્કી કરવાનું હતું કે શું સિંગાપોરના ઇમર્જન્સી ટ્રિબ્યુનલ (EA) નો સોદો રોકવાનો નિર્ણય ભારતીય કાયદા હેઠળ માન્ય અને અમલપાત્ર છે. તમને જણાવી દઈએ કે ફ્યુચર ગ્રુપ અને રિલાયન્સ ડીલ વિરુદ્ધની અરજી પર સુપ્રીમ કોર્ટે ગુરુવારે નિર્ણય અનામત રાખ્યો હતો.