અનામત / NEETમાં 50 ટકા અનામતને લઇને સુપ્રીમ કોર્ટે કહ્યું, આ મૌલિક અધિકાર નહીં

• અનામતને લઇને સુપ્રીમ કોર્ટમાં સુનાવણી
• અનામત કોઇ મૂળભુત અધિકાર નથી

ખરેખર, DMK-CPI-AIADMK  સહિત અન્ય તામિલનાડુના કેટલાંક પક્ષોએ સુપ્રીમ કોર્ટમાં NEET હેઠળ મેડિકલ કોલેજમાં બેઠકોને લઇને તામિલનાડુમાં 50 ટકા OBC અનામત મામલા પર અરજી દાખલ કરી હતી. જેને લઇને સુપ્રીમ કોર્ટમાં સુનાવણી હાથ ધરવામાં આવી હતી. 

સુપ્રીમ કોર્ટે સુનાવણી દરમિયાન કહ્યું કે કોનો મૂળભુત અધિકાર છીનવાયો છે? તમારી દલીલોથી લાગે છે કે તમે માત્ર તામિલનાડુના કેટલાક લોકોની ભલાઇ માટે વાત કરી રહ્યાં છે. DMK  તરફથી કોર્ટમાં જણાવાયું કે અમે કોર્ટેને વધારે અનામત જોડવા માટે નથી કહી રહ્યાં, પરંતુ જે છે તેને લાગુ કરવા કહી રહ્યાં છે. 

આ દરમિયાન જસ્ટિસ રાવે કહ્યું કે અનામત કોઇ મૂળભુત અધિકાર નથી, તમે સુપ્રિમ કોર્ટમાંથી અરજી પરત લો અને હાઇકોર્ટમા દાખલ કરો. જો કે આ દરમિયાન સુપ્રીમે ટિપ્પણ કરતાં કહ્યું કે અમને આનંદ થયો કે એક મુદ્દા પર બધા રાજકીય પક્ષો એક સાથે આવ્યાં, પરંતુ અમે આ અરજી પર સુનાવણી નહીં કરીએ. અમે તેને નામંજૂરી નથી કરી રહ્યાં પરંતું તમારા માટે સુનાવણીની તક હાઇકોર્ટ સામે રાખી રહ્યાં છે.