સુપ્રીમ કોર્ટે સોમવારે ચૂંટણી પંચને EVM અને VVPATને મેળવવાનો વિસ્તાર વધારવાનું કહ્યું હતું. કોર્ટે પંચને નિર્દેશ આપ્યાં છે કે લોકસભા સીટ અંતર્ગત આવનારી તમામ વિધાનસભાના 5 બૂથ પર EVM અને VVPATને મેળવવામાં આવે. આ પહેલાં દરેક વિધાનસભાના 1 પોલિંગ બૂથ પર જ VVPAT સ્લીપને મેળવવામાં આવતા હતા. આ વ્યવસ્થા વિરૂદ્ધ 21 વિપક્ષી દળોએ સુપ્રીમ કોર્ટમાં એક અરજી કરી હતી.
વિપક્ષે લોકસભા ચૂંટણીના પરિણામ પહેલાં 50% EVM અને VVPATને મેળવવાની માગ કરી હતી. આ મુદ્દે ચૂંટણી પંચે સુપ્રીમ કોર્ટમાં કહ્યું હતું કે વીવીપેટ સ્લિપ ગણવાની હાલની રીત સૌથી ઉપયુક્ત છે.
હાલ માત્ર 1 પોલિંગ બૂથ પર જ મેળવવામાં આવે છે:
હાલની વ્યવસ્થા મુજબ વિધાનસભા ચૂંટણીમાં એક પોલિંગ બૂથ પર EVM અને VVPAT સ્લિપને મેળવવામાં આવે છે. તો સામાન્ય ચૂંટણીમાં લોકસભા ક્ષેત્ર અંતર્ગત આવતી તમામ વિધાનસભા ક્ષેત્રોની એક એક પોલિંગ બૂથ પર EVM અને VVPAT સ્લિપને મેળવવામાં આવે છે.
આ એક રીતે EVMથી પ્રિન્ટરની જેમ એક મશીન એટેચ હોય છે. વોટ નાખ્યાની 10 સેકન્ડ પછી તેમાં એક સ્લીપ બને છે, જેના પર ઉમેદવારોએ જેણે વોટ આપ્યો હોય તેનું નામ અને ચૂંટણી ચિન્હ હોય છે. આ સ્લીપ 7 સેકન્ડ સુધી દેખાય છે, જે પછી મશીમના લાગેલા બોક્સમાં ચાલી જાય છે. આ મશીને ભારત ઇલેક્ટ્રોનિક્સ લિમિટેડ અને ઇલેક્ટ્રોનિક કોર્પોરેશન ઑફ ઇન્ડિયાએ લિમિડેટ દ્વારા ડિઝાઇન કરવામાં આવી છે. સૌથી પહેલા તેનો ઉપયોગ 2013માં નાગાલેન્ડ વિધાનસભાની ચૂંટણી દરમિયાન કરવામાં આવ્યો હતો.