નિર્ણય / રાફેલ મામલે સુપ્રીમ કોર્ટમાં સુનાવણી ટળી, 10 મે હાથ ધરાશે

નવી દિલ્હી: રાફેલ મામલે સુપ્રીમ કોર્ટમા સુનાવણી ટળી છે. હવે રાફેલ મામલાની સુનાવણી 10 મેએ હાથ ધરાશે. રાફેલ કેસને લઇ રિવ્યૂ પિટિશન દાખલ કરવામાં આવી છે જેના પર સુપ્રીમ કોર્ટમાં સુનાવણી હાથ ધરાશે.

અગાઉ કેન્દ્ર સરકારે સુપ્રીમ કોર્ટમાં પોતાનો જવાબ રજૂ કરતા કહ્યું હતું કે, રાફેલ ડીલમાં જે પ્રક્રિયા ચાલી રહી છે તેનાથી પીએમઓ દ્વારા મોનિટર કરવું તેને દખલગીરી ન કહેવાય.

ઉલ્લેખનીય છે કે, રાફેલ લડાકૂ વિમાન ખરીદ પ્રક્રિયા અને ઇન્ડયન ઓફસેટ પાર્ટનરમાં સરકાર દ્વારા ભારતીય કંપનીને તરફેણ કરવાનો આરોપની તપાસ કરાવવાની અરજી કરવામાં આવી હતી. જેને સુપ્રીમ કોર્ટે ફગાવી દીધી હતી. 

ત્યાર બાદ સુપ્રીમ કોર્ટના નિર્ણય પર રિવ્યૂ પિટિશન દાખલ કરવામાં આવી હતી. જે અંગે હવે આગામી 10 મેએ સુનાવણી હાથ ધરાશે.