મહારાષ્ટ્રના મુખ્યમંત્રી દેવેન્દ્ર ફડણીસને સુપ્રીમ કોર્ટે મોટો ઝટકો આપ્યો છે. CM પર જનપ્રતિનિધિત્વ અધિનિયમનો કેસ ચાલશે. હાઈકોર્ટના આદેશ અનુસાર સુપ્રીમ કોર્ટે આ બાબતે કેસ ચલાવાવનો આદેશ આપ્યો છે. 2 કેસની માહિતી છુપાવવાના આરોપ સાથે અરજી કરવામાં આવી હતી જેને લઈને કેસ ચલાવાશે.
મહારાષ્ટ્રમાં ચૂંટણી પહેલાં મુખ્યમંત્રી દેવેન્દ્ર ફડણવીસને SCનો ઝટકો
2014માં વિધાનસભા ચૂંટણી સમયે સોગંદનામામાં જાણકારી છૂપાવવાને લઈને ચાલશે કેસ
જાહેરનામામાં 2 લંબિત અપરાધિક કિસ્સાનો ઉલ્લેખ કર્યો નથી
ટ્રાયલ અને બોમ્બે હાઈ કોર્ટે કહ્યું કે પહેલી નજરે તેમની પર કોઈ કેસ બનતો નથી
2 અપરાધિક કેસની જાણકારી આપી ન હોવાથી ચાલશે કેસ
મહારાષ્ટ્રના મુખ્યમંત્રી દેવેન્દ્ર ફડણવીસને પોતાના વિસ્તારમાં વિધાનસભાની ચૂંટણી પહેલાં સુપ્રીમ કોર્ટથી મોટો ઝટકો મળ્યો છે. સુપ્રીમ કોર્ટે તેમની વિરુદ્ધમાં 2014ના ચૂંટણીના સોગંદનામામાં ખોટી જાણકારી આપવાના કારણે કેસ ચલાવવાની મંજૂરી આપી છે. ફડણવીસ પર આરોપ છે કે તેઓએ 2014ની વિધાનસભાની ચૂંટણીમાં પણ ખોટા સોગંદનામાને રજૂ કર્યું હતું. જેમાં તેઓએ તેમની પરના 2 અપરાધિક કેસની જાણકારી આપી ન હતી.
Supreme Court sets aside the Bombay High Court order which had dismissed the plea that sought annulment of Maharashtra CM Devendra Fadnavis's election to the Assembly alleging non-disclosure of all pending criminal cases against him. pic.twitter.com/xIT3ZH92GK
આ બાબતે ફડણવીસને ટ્રાયલ કોર્ટ અને બોમ્બે હાઈ કોર્ટથી રાહત મળી ચૂકી છે. પરંતુ CJI રંજન ગોગોઈ, જસ્ટિસ દીપક ગુપ્તા અને અનિરુદ્ધ બોસની બેન્ચે તેમને આપવામાં આવેલી ક્લીન ચીટને રદ કરી છે. ફડણવીસે પોતાના સોગંદનામામાં એ વાતનો ઉલ્લેખ કર્યો હતો જેમાં નિચલી અદાલત આરોપ જાહેર કરી ચૂકી હતી.
શું છે મામલો
વકીલ સતીષ ઉકેએ સુપ્રીમ કોર્ટમાં અરજી દાખલ કરીને આરોપ લગાવ્યો કે 2014ના વિધાનસભા ચૂંટણીમાં પોતાનું નામાંકન નોંધાવતી સમયે ફડણવીસે જાણકારી છૂપાવી હતી. તેઓએ અરજીમાં આરોપ લગાવ્યો કે ફડણવીસે નાગપુર ડિસ્ટ્રિક્ટ કોર્ટમાં પોતાની વિરુદ્ધ બે અપરાધિક કેસને લંબિત થયા હોવાનું જણાવ્યું નથી.
અરજકર્તાની દલીલ હતી કે આમ કરીને ફડણવીસે જનપ્રતિનિધિત્વ કાયદો 1951ની કલમ 125એનું ઉલ્લંઘન કર્યું છે. આ વિષે નિચલી અદાલત અને હાઈકોર્ટે કહ્યું કે પહેલી નજરમાં ફડણવીસની વિરુદ્ધ કોઈ કેસ બનતો નથી. ઉકેની દલીલ હતી કે પ્રત્યાશીને માટે પણ અપરાધિક કેસની જાણકારી કાયદાકીય રીતે અનિવાર્ય છે.
21 ઓક્ટોબરે મહારાષ્ટ્રમાં થશે વોટિંગ
ફડણવીસને આ ઝટકો મહારાષ્ટ્ર વિધાનસભા ચૂંટણી પહેલાં લાગ્યો છે. 288 સદસ્યોની મહારાષ્ટ્ર વિધાનસભા માટે 21 ઓક્ટોબરે વોટિંગ થશે. આ માટે દરેક દળ કમર કસી રહ્યું છે. દરેક દળ પોત પોતાના ઉમેદવારના નામ નક્કી કરવા અને લિસ્ટ તૈયાર કરવામાં લાગી ચૂક્યા છે. મહારાષ્ટ્રમાં મુખ્ય જંગ બીજેપી- શિવસેના ગઠબંધન અને કોંગ્રેસ- એનસીપી ગઠબંધન વચ્ચે જામશે.