ચૂંટણી / SC એ EC ને કહ્યું, રમઝાનમાં વોટિંગ 7 વાગ્યાની જગ્યાએ 5 વાગ્યે શરૂ કરવા પર કરે વિચાર

નવી દિલ્હી: મુસ્લિમ સમુદાયના પવિત્ર તહેવાર રમઝાનને હવે ગણતરીના જ દિવસો બાકી રહી ગયા છે. તો બીજી તરફ દેશમાં લોકસભાની ચૂંટણી પણ ચાલી રહી છે. ત્યારે ચૂંટણી અને રમઝાન એક સાથે હોવાથી રોજા રાખનાર લોકોને મુશ્કેલી ના પડે તે માટે સુપ્રીમ કોર્ટમાં મતદાનના સમયમાં ફેરફાર કરવા માટે અરજી કરવામાં આવી છે. 

સુપ્રીમ કોર્ટમાં અરજી કરવામાં આવી છે કે રમઝાન દરમિયાન સવારે પાંચ વાગ્યાથી મતદાન શરૂ કરવામાં આવે.. અરજીમાં કહેવામા આવ્યું છે કે મતદાન સવારે સાત વાગ્યાના બદલે સવારે પાંચ વાગ્યાથી શરૂ કરવામાં આવે. તો સુપ્રીમ કોર્ટે આ મામલે ચૂંટણી પંચમાં અપીલ કરવાની સલાહ આપી છે.

નોંધનીય છે કે આ વખતે લોકસભા ચૂંટણી 7 તબક્કામાં થઇ રહી છે. પહેલા ચાર તબક્કા પૂર્ણ થઇ ગયા છે અને પાંચમાં તબક્કાનું મતદાન 6 મે ના રોજ છે. રમઝાન 5 મે થી શરૂ થઇ રહ્યો છે. 

Supreme Court asks Election Commission to decide on pleas for re-scheduling the voting time from 7 am to 5 am in General Election during the month of Ramzan coinciding with the rest of the phases and due to heat-wave conditions in Rajasthan and other areas. pic.twitter.com/Nd952ZxZQ4

— ANI (@ANI) May 2, 2019

આ પહેલા લોકસભા ચૂંટણી 2019ના લાંબા શેડ્યૂલની સાથે જ રમઝાનના મહિનામાં મતદાન કરાવવાને લઇને કેટલાક ધાર્મિક ગુરુ અને રાજનેતા નારાજગી વ્યક્ત કરી ચુક્યા છે. મુસ્લિમોનો પવિત્ર તહેવાર રમઝાનમાં ચૂંટણી રાખતા આ લોકોમાં ઓછું વોટિંગ થાય એવી આશંકા પણ વ્યક્ત થઇ હતી.