ન્યાયિક / ભ્રષ્ટાચાર કેસમાં સુપ્રીમનો મોટો ચુકાદો, લાંચ કેસમાં સીધા પુરાવા ન હોય તો પણ થઈ શકે સજા

• લાંચ કેસમાં સુપ્રીમનો મોટો ચુકાદો
• સીધા પુરાવા વગર પણ ભ્રષ્ટ અધિકારીઓને દોષી ઠેરવી શકાય 
• પરિસ્થિજન્ય પુરાવાને આધારે ભ્રષ્ટને થઈ શકે સજા 

ભ્રષ્ટાચારના કેસોમાં સુપ્રીમ કોર્ટનો મહત્વનો નિર્ણય સામે આવ્યો છે. લાંચ લેવાના કે આપવાના કેસમાં પ્રત્યક્ષ પુરાવા ન હોય તો સજા પણ થઇ શકે છે. સજા સંજોગપૂર્ણ પુરાવાના આધારે થઈ શકે છે. પાંચ જજોની બંધારણીય બેન્ચે આ નિર્ણય લીધો છે. લાંચની માંગ કે ચુકવણી અંગેના સીધા પુરાવાના અભાવે પરિસ્થિતિજન્ય ધારણાઓના આધારે ભ્રષ્ટાચાર નિવારણ અધિનિયમ હેઠળ દોષિત ઠેરવી શકાય? સુપ્રીમ કોર્ટની પાંચ જજોની બંધારણીય બેન્ચે 22 નવેમ્બરે સુનાવણી પૂરી કરીને ચુકાદો અનામત રાખ્યો હતો. જસ્ટીસ એસ અબ્દુલ નઝીર, બી આર ગવાઈ, એ એસ બોપન્ના, વી રામાસુબ્રમણ્યમ અને બી વી નાગરથનાની બનેલી પાંચ જજોની બેંચે ચુકાદો અનામત રાખ્યો હતો.

Public servants can be convicted in corruption case on circumstantial evidence basis: SC

Read @ANI Story | https://t.co/6hgcfBVirH#PublicServants #SupremeCourt #Corruption pic.twitter.com/PHj90Ea46l

— ANI Digital (@ani_digital) December 15, 2022

કોર્ટ ભ્રષ્ટ અધિકારીઓ સામે દયા ન દાખવે
સુપ્રીમે કહ્યું કે કોર્ટે ભ્રષ્ટ લોકો સામે નરમાઈ ન વર્તવી જોઈએ. ભ્રષ્ટ અધિકારીઓ સામે ગુનો દાખલ થવો જોઈએ અને તેમને દોષિત ઠેરવવા જોઈએ, કારણ કે ભ્રષ્ટાચારે શાસનને અસર કરતા મોટા ભાગનો ભાગ લીધો છે. પ્રામાણિક અધિકારીઓ પર તેની અસર પડે છે. જ્યારે તેની સામે કોઈ સીધો પુરાવો ન હોય ત્યારે એક ભ્રષ્ટ સરકારી અધિકારીને પણ સાંયોગિક પુરાવાના આધારે દોષિત ઠેરવી શકાય છે.

સીધા પુરાવા ન હોવાથી છટકી જનાર લાંચિયા બાબુઓ પર કસાશે ગાળિયો

સુપ્રીમ કોર્ટના આ ચુકાદા બાદ હવે જે લાંચિયા અધિકારીઓની સામે ભ્રષ્ટાચારના સીધા પુરાવા ન મળી શક્યાં હોય તેઓ હવેથી સાંયોગિક પુરાવાઓને આધારે દોષી ઠરી શકશે.