ભારતીય સ્ટેટ બેંક કોરોના વાયરસના અસરથી પ્રભાવિત વેપારીઓને વિશેષ લોન આપવાની તૈયારી કરી છે. આ સ્કીમ હેઠળ 30 જૂન સુધી વેપારીઓને ઓછા ઇન્ટ્રેસ્ટ રેટ પર 200 કરોડ સુધીની લોન 12 મહિના સુધી મળશે.
કોરોનાથી વેપારીઓને બચાવવા માટે SBI સ્પેશિયલ લોન
30 જૂન સુધી જારી રહેશે આ સ્કીમ, 200 કરોડ સુધી મળશે લોન
12 મહિના માટે મળશે કોરોના સ્પેશિયલ લોન
ઇન્ટ્રેસ્ટ રેટ ફ્લેટ 7.25 ટકા, પ્રોસેસિંગ ફી પણ નહીં
દેશની સૌથી મોટી સરકારી બેંક ભારતીય સ્ટેટ બેંકે કોરોના વાયરસના અસરથી પ્રભાવિત વેપારીઓને અતિરિક્ત ફંડિંગ માટે એક યોજના તૈયાર કરી છે. કોવિડ 19 ઇમર્જન્સી ક્રેડિટ લાઇન આગામી 30 જૂન સુધી લાગૂ રહેશે અને આ કેપિટલ લિમિટના 10 ટકાના સમતુલ્ય હશે. એ હેઠળ વધારેમાં વધારે 200 કરોડ રૂપિયાની લોન મળી શકશે.
ફ્લેટ 7.25 ટકા ઇન્ટ્રેસ્ટ રેટ
સીઇસીએલ હેઠળ લોનનો વ્યાજ દર 7.25 ટકા હશે અને એના માટે કોઇ પ્રૉસેસિંગ ફી અથવા પ્રીપેમેન્ટ પેનલ્ટી લેવામાં આવશે નહીં, આ સ્કીમ લૉન્ચ કરનાર એસબીઆઇ પહેલી બેંક છે અને આશા વ્યક્ત કરવામાં આવી રહી છે કે એની દેખાદેખી અન્ય સરકારી બેંક પણ કરશે.
12 મહિના માટે મળશે લોન
પોતાની શાખાઓમાં મોકલેલા સર્કુલરમાં કહેવામાં આવ્યું છે કે કોવિડ 19ના કારણે અસ્થાઇ તરીકે કેપિટલમાં આવેલી કમી પૂરી કરવા માટે સીઇસીએલ એક ડિમાન્ડ લોનના રૂપમાં હશે, જેની મર્યાદા 12 મહિનાની હશે.
નાના વેપારીઓ માટે મોટી રાહત
આ સુવિધા તમામ સ્ટાન્ડર્ડ ખાતા રાખનાર વેપારીને મળશે. જેનો 30 દિવસો અથવા માર્ચ 16 સુધી કોઇ ઓવરડ્યૂઝ નથી. જે કર્જદારોએ નાના વેપારીઓ માટે વિશેષીકૃત લોન ઉત્પાદોનો ફાયદો લીધો છે, એ પણ એના પાત્ર હશે.