કામની વાત / Online પેમેન્ટ માટે કરો છો QR કોડનો ઉપયોગ તો થઈ જાઓ સાવધાન, SBIએ આપી ચેતવણી

• SBIએ ગ્રાહકોને QR સ્કેનને લઈને આપી ચેતવણી
• SBIએ ટ્વીટ કરી લોકોને કર્યા Alert 
• જાણો કઈ રીતે થઈ રહ્યો છે ફ્રોડ 

SBIએ પોતાના ગ્રાહકોને QR સ્કેનને લઈને ચેતવણી આપી છે. SBIએ લોકોને સચેત કર્યા છે કે જ્યાં સુધી જરૂર ન હોય કોઈ દ્વારા શેર કરેલા ક્યૂઆર કોડને સ્કેન ન કરો. કોરોના મહામારીના કારણે ઓનલાઈન પેમેન્ટ જરૂરી થઈ ગયું છે. જોકે ઓનલાઈન ટ્રાન્ઝેક્શન કરતી વખતે ખૂબ જ સતર્ક રહેવું જોઈએ. ટેક્નોલોજી આપણા જીવનને ખૂબ જ સરળ બનાવી રહી છે પરંતુ સાઈબર ક્રાઈમ પણ તેના કારણે વધી રહ્યા છે. 

ક્યુઆર કોડ ફ્રોડ  માટે ખૂબ લોકપ્રિય રીત બનતી જઈ રહી છે. વધુમાં વધુ લોકો ઓનલાઈન ટ્રેન્ઝેક્શનની તરફ વધી રહ્યા છે. જેના કારણે ફ્રોડ પણ વધી રહ્યા છે. 

You don’t receive money when you scan a QR code. All you get is a message that your bank account is debited for an ‘X’ amount. Do not scan #QRCodes shared by anyone unless the objective is to pay. Stay alert. #StaySafe. https://t.co/EXGQB7YFT9#QRCodes #InternetBanking

— State Bank of India (@TheOfficialSBI) April 27, 2021

SBIએ ટ્વીટ કરી લોકોને કર્યા Alert 
SBIએ ટ્વીટ કર્યું છે કે, 'જ્યારે તમે એક ક્યુઆર કોડ સ્કેન કરો છો તો તમને પૈસા નથી મળતા. તમને ફક્ત એક સંદેશ મળે છે કે તમારું બેન્ક એકાઉન્ટ "XX" રકમ માટે ડેબિટ કરવામાં આવ્યું છે. જો તમેન ચુકવણી કરવાની હોય તો કોઈના દ્વારા શેર કરવામાં આવેલા ક્યુઆક કોડને સ્કેન બિલકુલ ન કરો. હંમેશા સતર્ક કરો.' 

SBIએ અઢી મિનિટનો આ વીડિયો પણ શેર કર્યો છે જેમાં એવું જણાવવામાં આવી રહ્યું છે કે ક્યુઆર કોડને સ્કેન કરવાથી હકીકતમાં તમારા બેન્ક ખાતાના પૈસા કઈ રીતે ડેબિટ થઈ જાય છે. સાથે જ યાદ રહે કે ક્યુઆર કોડને ફક્ત ચુકવણી કરવા માટે સ્કેન કરવાની જરૂર હોય છે ન કે પૈસા લેવા માટે.