સ્ટેટ બેન્ક ઓફ ઇન્ડિયાએ હાલમાં એક ટ્વિટ કરીને તેના ગ્રાહકોને ઈન્ક્મ ટેક્સ રિફંડને લગતા SMS અવગણવાની સૂચના આપી છે. તેમણે ચેતવણી આપી છે કે આ છેતરપિંડીથી ગ્રાહકો સાવધાન રહે.
દેશની સૌથી મોટી બેન્ક એટલે કે સ્ટેટ બેન્કે તેના 42 કરોડ ભારતીય ખાતેદારોને ચેતવણી આપતી એક ટ્વિટમાં જણાવ્યું હતું કે તેમને ઇન્કમ ટેક્સ રિફંડને લગતી લિંકનો SMS આવી શકે છે. સ્ટેટ બેન્કે જણાવ્યું છે કે ઈન્ક્મ ટેક્સ રિફંડના નામે ઠગાઈ ચાલે છે માટે ગ્રાહકોએ આ રિફંડની લિંક પર ક્લિક કરીને રિકવેસ્ટ ન મોકલવી. ઉલ્લેખનીય છે કે ઘણા બધા લોકોને આ મેસેજ આવી રહ્યા છે કે આ લિંક પર ક્લિક કરીને ટેક્સ રિફંડને લગતી માહિતી મળી શકે છે.
SBIએ ટ્વિટમાં શું લખ્યું?
SBIએ તેમના ટ્વિટમાં લખ્યું હતું કે શું તમને પણ ઇન્કમ ટેક્સ ડિપાર્ટમેન્ટ તરફથી રિફંડ માટે ફોર્મલ રિકવેસ્ટનો મેસેજ આવી રહ્યો છે? આ મેસેજ તમને છેતરપિંડીના હેતુથી મોકલવામાં આવ્યો છે. આ મેસેજને તમે ભૂલ વગર ડીલીટ કરી દો અને મેસેજને રિપોર્ટ કરી દો.
Received any message from the Income Tax Department, requesting you to put in a formal request for your refund? These messages are from fraudsters at play! Ensure you ignore and report the messages immediately. For more security tips, visit https://t.co/U3XVLPyP8Wpic.twitter.com/vHCL2PBvyz
આ ઠગાઈને ફિંશિંગ ટેક્નિક કહે છે. ફિશિંગ ટેક્નિકમાં એક fake એટલે કે બનવાટી વેબસાઈટ બનાવવામાં આવે છે જે અદ્દલ ઓરિજિનલ વેબસાઈટ જેવી દેખાય છે. આ વેબસાઈટ વડે ગ્રાહકો પાસેથી તેમની જરૂરી માહિતી મેળવી લેવામાં આવે છે. SBIએ ગ્રાહકોને ચેતવ્યા હતા કે આવી કોઈ વેબસાઈટ ઉપર પોતાના ખાતા સાથે સંકળાયેલી માહિતી ન મૂકે.
ઇન્કમ ટેક્સ પોર્ટલ વડે જાણી શકાય છે ટેક્સ રિફંડને લગતી માહિતી
છેતરપિંડી કરનારાઓ આ પ્રકારનું ફ્રોડ ચલાવી રહ્યા છે પરંતુ ઇન્કમ ટેક્સ રિફંડની માહિતી જાણવા માંગતા કોઈ પણ ટેક્સ પેયર્સ Income Tax E-filing Poral પર લોગ ઈન કરીને ઇન્કમ ટેક્સ રિફંડને લગતી માહિતી પ્રાપ્ત કરી શકે છે.