SBI તેના ગ્રાહકોને માટે ક્રેડિટ કાર્ડની જાણકારી મેળવવા માટે મિસ્ડ કોલની સુવિધા લાવ્યું છે.
SBIના ગ્રાહકો માટે સારા સમાચાર
1 મિસ્ડ કોલથી જ મળશે તમામ જાણકારી
SBIએ ગ્રાહકોને મેસેજથી આપી છે જાણકારી
સ્ટેટ બેંક ઓફ ઈન્ડિયાએ પોતાના ગ્રાહકોને અનેક સુવિધા આપવાનું શરૂ કર્યુ છે. બેંક સમયાંતરે ગ્રાહકોને અનેક સર્વિસ આપતી રહે છે. SBI નવી સર્વિસ આપી રહી છે તે છે મિસ્ડ કોલ સર્વિસ. જેમાં તમે મિસ્ડ કોલ કરીને તમારા ક્રેડિટ કાર્ડ સાથેની તમામ માહિતિ મેળવી શકો છો.
ક્રેડિટ કાર્ડ હોલ્ડર્સને મળશે મોટી સુવિધા
અનેક વાર એવું થતું હતું કે ક્રેડિટ કાર્ડ હોલ્ડર્સને આઈડિયા રહેતો ન હતો કે તેઓએ મહિનામાં કેટલા રૂપિયા ખર્ચ કરાયો છે અને પછી તેનું બેલેન્સ શું છે. એવામાં તમે એક મિસ્ડ કોલ આપીને તમારા ક્રેડિટ કાર્ડ સાથેની જાણકારી મેળવી શકો છો. આ સાથે એસબીઆઈ પોતાના ગ્રાહકોને મેસેજ કરીને એ નંબર આપી રહી છે જેનાથી તમે મિસ્ડ કોલની મદદ લઈ શકો છો અને જાણકારી મેળવી શકો છો.
SBI મોકલી રહી છે ગ્રાહકોને મેસેજ
બેંક ગ્રાહકોને મેસેજ કરીને આ નવી સુવિધાની જાણકારી આપી રહી છે. તેમાં લખ્યું હોય છે કે પ્રિય કાર્ડધારક, બસ એક મિસ્ડ કોલ કરો અને તમારા ક્રેડિટ કાર્ડની તમામ જાણકારી તરત જ મેળવો. આ માટે તમારે બેલેન્સ જાણવા માટે 8422845512, CREDIT & CASH LIMIT અને ડિટેલ્સ જાણવા માટે 8422845513, રિવોર્ડ પોઈન્ટની ડિટેલ્સ માટે 8422845514 તો પેમેન્ટ હિસ્ટ્રીની જાણકારી માટે 8422845515 નંબર ડાયલ કરવાના રહે છે.
આ મેસેજનો મતલબ એ છે કે તમારે ક્રેડિટ કાર્જના બેલેન્સને વિશે જાણકારી જોઈએ છે તો તમારે 8422845512 પર મિસ્ડ કોલ કરવાનો રહે છે. ક્રેડિટ અને કેશ લિમિટ માટે તમે 8422845513 નંબર પર અને રિવોર્ડ અને પોઈન્ટ માટે તમે 8422845514 નંબર પર તો પેમેન્ટની જાણકારી માટે તમે 8422845515 નંબર પર મિસ્ડ કોલ કરી શકો છો.
આ સિવાય તમે ઈચ્છો તો એસબીઆઈ કાર્ડની એપ પર પણ ક્રેડિટ કાર્ડની સાથેની જાણકારી મેળવી શકો છો. તેના માટે તમારે કાર્ડ ડિટેલ્સની સાથે રજિસ્ટર કરવાનું રહે છે અને પછી બેલેન્સ જાણવાની સાથે જ કાર્ડના બિલ પણ ભરી શકાય છે. આ સિવાય તમે તેમાં કાર્ડ સ્ટેટમેન્ટની જાણકારી પણ મેળવી શકો છો.