તમારા કામનું / ALERT! કોઈ પણ બૅન્કમાં ખાતું હોય, SBIની આ ચેતવણી જાણી લેજો, નહીંતર પસ્તાવાનો પાર નહીં રહે

• વધી રહ્યા છે બેંકિંગ ફ્રોડનાં મામલા 
• એસબીઆઈનાં ચેતવણીભર્યા ટ્વીટ 
• QR કોડ સ્કેમથી બચો - SBI 

વધી રહ્યા છે બેંકિંગ ફ્રોડનાં મામલા 

પ્રધાનમંત્રી જન ધન યોજના આવ્યા બાદ ભારતમાં ફાઈનાન્સિયલ ઇન્ક્લૂઝનમાં ઝડપ આવી છે. આ કારણે તે લોકોના બેંક અકાઉન્ટ પણ ખુલ્યા છે, જે અત્યાર સુધી બેંકિંગ સેવાઓથી દૂર હતા. યોજના લોન્ચ થયાના 4 વર્ષ બાદ જ દેશની 80 ટકાથી વધારે આબાદીની પહોંચ બેંક ખાતાઓ સુધી થઇ ગઈ. બીજી બાજુ નોટબંધી અને કોરોના મહામારીને કારણે ડિજિટલિકરણ પણ ઝડપી બન્યુ. જોકે આ સાથે જ બેંકિંગ ફ્રોડનાં મામલાઓમાં પણ ઘણી ઝડપ આવી. દેશની સૌથી મોટી બેંક SBIએ ફ્રોડનાં મામલાઓને જોતા બધા ખાતાધારકોને ગુરુવારે ચેતવણી આપી છે. 

QR કોડ સ્કેમથી બચો - SBI 

એસબીઆઈએ આઝાદીનાં અમૃત મહોત્સવ હેઠળ લોકોના ફાઈનાન્સિયલ મામલાઓમાં શિક્ષિત બનાવવાની ઝુંબેશ શરુ કરી છે. આ ઝુંબેશ હેઠળ એસબીઆઈએ ગુરુવારે ટ્વીટ કર્યું કે ક્યૂઆર કોડ સ્કેન કરો અને પૈસા મેળવો? આ રોંગ નંબર છે. ક્યૂઆર કોડ સ્કેમથી સાવધાન રહો. સ્કેન કરતા પહેલા વિચારો, અજાણ્યા અને અનવેરીફાઈડ ક્યૂઆર કોડ સ્કેન ન કરો. સાવધાન રહો અને એસબીઆઈ સાથે સુરક્ષિત બન્યા રહો. 

Scan QR Code and receive money? #YehWrongNumberHai. Beware of QR code scam! Think before you scan, do not scan unknown, unverified QR codes. Stay Alert and Stay #SafeWithSBI!#AmritMahotsav #AzadiKaAmritMahotsavWithSBI pic.twitter.com/OHactjtHnt

— State Bank of India (@TheOfficialSBI) March 24, 2022

એસબીઆઈનાં ચેતવણીભર્યા ટ્વીટ 

એસબીઆઈએ બીજા ટ્વીટમાં કહ્યું છે કે તમારી સેફટી જ અમારી પ્રાયોરીટી છે. સાઈબર અપરાધોને cybercrime.gov.in પર રિપોર્ટ કરો. ફોન, મેસેજ કે ઈ મેલનાં માધ્યમથી કેવાયસી અપડેટનાં ફ્રોડ ઓફર્સથી સાવચેત રહો. મજબૂત પાસવર્ડ રાખો અને તેને નિયમત રૂપથી બદલતા રહો. કોન્ટેક્ટ ડીટેલ્સ માટે એસબીઆઈની ઓફિશિયલ વેબસાઈટનો ઉપયોગ કરો.