બેંકની ચેતવણી સોશ્યલ મીડિયા પર ના કરો ભૂલ ખાલી થઇ જશે એકાઉન્ટ

આજના જમાનામાં ડિજીટલ ફાઇનાન્સ ઘણા પ્રકારની સુવિધા ઘરે બેઠા આપે છે પણ તેના કેટલાક નુકસાન પણ છે. ડિજીટલ ફાઇનાન્સમાં ઘણા દગાખોર લોકો ભોળા માણસોને ઠગી લેવાની તૈયારીમાં હોય છે. તમે થોડા સાવધાન રહીને પોતાની ફાઇનાન્સિયલ માહિતીને ગુપ્ત રાખીને પોતાને સુરક્ષિત રાખી શકો છો. આને લઈને દેશની સૌથી મોટી સરકારી બેંક સ્ટેટ બેન્ક ઓફ ઇન્ડિયા(SBI)એ પોતાનો ગ્રાહકોને ચેતવણી આપતા કહ્યું હતું કે તેમને સોશ્યલ મીડિયા પર એકાઉન્ટની જાણકારી શેર કરતા સમયે ધ્યાન રાખવું પડશે નહીંતર તેના ખાતામાંથી ફ્રોડ થઈ શકે છે.

બેંકોએ આપી ચેતવણી - SBIએ પોતાના ટ્વિટર હેન્ડલથી જણાવ્યું હતું કે ગ્રાહકોને સોશ્યલ મીડિયા પર ફેક એકાઉન્ટથી બચવું જોઈએ. જો તમને કોઈ ફરિયાદ છે કે કશું કહેવું છે તો SBIના વેરિફાઇડ સોશ્યલ મીડિયા (Facebook Twitter) એકાઉન્ટ પર પોતાની ફરિયાદ નોંધાવી શકો છો. તે જ એકાઉન્ટને હંમેશા ટેગ કરો. તેને ઓળખવા માટેની સૌથી આસાન રીત છે એકાઉન્ટ ઉપર વેરિફાઇડ નિશાન (બ્લુ રંગનું રાઇટ ટિક)ને ચેક કરવાનું હોય છે. આમ કરવાથી તમે પોતાનો સમય અને પૈસા બંને સુરક્ષિત રાખી શકશો. કારણ કે તમારા એકાઉન્ટની જાણકારી તમારા પૈસાનું મોટું નુકસાન કરાવી શકે છે.

 

Do not invest your time and money interacting with fake accounts on social media. Follow tag and interact with only the verified official handles of SBI to ensure that your comments complaints and enquiries get adequately addressed and you are not scammed by fraudsters.#SBI pic.twitter.com/5kKuFXodNS

— State Bank of India (@TheOfficialSBI) September 18 2018

આ બાબતોનું રાખો ખાસ ધ્યાન:

1. પોતાના બેન્કિંગ અને ક્રેડિટ કાર્ડ સાથે જોડાયેલી જાણકારીની ચોરી રોકવા માટે તેની જાણકારી ક્યારેય પણ વેબસાઇટ પર ના આપો જે httpsથી શરૂ થતી ન હોય. httpsથી શરૂ થતી વેબસાઇટ સુરક્ષિત હોય છે.  ક્રેડિટ કાર્ડ આધાર કે બેંક સાથે જોડાયેલી કોઈપણ જાણકારી ઓનલાઇન પોસ્ટ કરવી જોઈએ નહીં.

2. જો બેંક ને ઇ-મેલ લખી રહ્યા છો તો એક વખત તેના કોલ સેન્ટરમાં ફોન કરીને યોગ્ય ઇ-મેલ એન્ડ્રસની જાણકારી લઇ લો. ક્રેડિટ કાર્ડ માટે ઓનલાઇન પેમેન્ટ પહેલા જે વેબસાઇટ પર જાણકારી નાખી રહ્યો છો તેના એડ્રસમાં https નથી તો તેની તપાસ કરી લો.

3. પોતાના પર્સનલ ઇ-મેલ પર કંપનીની જાણકારી ના રાખવી જોઈએ. ઓફિસના લોકો ફેસબુક પર છે તો તેમને પહોંચનારી જાણકારી સિમિત કરી દો. તેમને પોતાના વિશે વધારે જાણકારી આપવી જોઈએ નહીં.