સ્ટેટ બેંક ઓફ ઇન્ડિયા SBI એ 25 સેકન્ડનો એક વિડીયો પોસ્ટ કરતાં કહ્યું કે ક્યારેય પણ આવા કોલ્સ બેંકના સમજીને ઉપાડવા નહીં અને SMS મેસેજનો પણ જવાબ આપવો નહીં. કારણકે કોઇપણ તમારી પર્સનલ કે ફાઇનાન્શિયલ માહિતી ચોરી શકે છે અથવા તો તેનો દુરુપયોગ કરી શકે છે.
SBI એ 25 સેકન્ડનો એક વિડીયો પોસ્ટ કર્યો
ગ્રાહકોને સ્કેમથી બચાવા આપ્યા ઉપાયો
સ્કેમ મેસેજ-કોલથી સાવધાન રહેવા નિવેદન
નવી દિલ્હી : SBI એ સ્કેમ કોલ્સનો સામનો કરવા માટે એક જરૂરી ટીપ શેર કરી છે. બેંકે 25 સેકેન્ડની આ વીડિયોમાં કઇ રીતે સ્કેમર્સ લોકોને છેતરે છે તેની માહિતી આપી છે. લોકો પાસે અવાર-નવાર એવા ફોન આવતાં હોય છે કે તેમનું વીજળીનું કનેક્શન કાપી દેવાયું છે. ગ્રાહકોની પાસે આ રીતના મેસેજ પણ આવે છે કે પ્રિય ગ્રાહક, "આજે રાત્રે 9:30 વાગ્યે વીજળી વિભાગ તમારી ઇલેક્ટ્રિસિટીનું કનેક્શન કાપી દેશે કારણકે તમે પાછળનાં મહિનાનું બિલ ભરેલ નથી. કૃપા કરી તરત જ અમારા કાર્યાલય સાથે સંપર્ક કરવો. ધન્યવાદ." ભારતિય સ્ટેટ બેંકે ગ્રાહકોને આવા સ્કેમ મેસેજ કે કોલથી સાવધાન રહેવા ક્હયું છે.
કોઇ પણ ફોન નંબર કે ઓફિશિયલ આઇડીથી ન આવેલ મેસેજથી સાવધાન
એવા નંબર કે જે તમને કોલ કરી તરત જ કાર્ય કરવા કહેતો હોય
કોઇ મેસેજમાં વ્યાકરણ કે વર્તન સંબંધી ભૂલો હોય તો તેને અવોઇડ કરો
કોઇ પણ ટ્રાન્જેક્શન કરતાં પહેલાં અકાઉન્ટને વેરીફાઇ જરૂરથી કરો
લોકોને આવતાં હતાં આવા મેસેજ
ગ્રાહકો સાથે નાણાં સંબંધિત છેતરપીંડી આજના સમયમાં સામાન્ય કિસ્સો છે. ત્યારે આવા લાઇટ બિલ સંબંધિત ફરજી મેસેજનો ભોગ જનતા બની રહી હતી. સ્કેમર્સ લોકોને વોટ્સએપ કે SMSમાં આવા મેસેજ કરી લોકોને ચિંતામાં મૂકતાં હતાં જેના લીધે ગ્રાહકોમાં થતી આ છેતરામણી પર રોક લગાવવા SBI એ એક વીડિયો જાહેર કરી લોકોમાં જાગૃતતા ફેલાવવા માટેના પ્રયાસો કર્યાં હતાં.