સ્ટેટ બેંક ઑફ ઇન્ડિયા (SBI) એ પોતાના ગ્રાહકોને 28 ફેબ્રુઆરી સુધી KYC પૂરુ કરી દેવા માટે કહ્યુ છે. જો કોઇ ગ્રાહક KYC થી નથી કરાવતું તો તેના બેંક એકાઉન્ટમાંથી ટ્રાન્ઝેક્શન (લેવડ-દેવડ) રોકી દેવામાં આવશે, તમને જણાવી દઇએ કે, રિઝર્વ બેંક ઑફ ઇન્ડિયા (RBI) એ તમામ બેંક એકાઉન્ટ માટે KYC કરવાનું જરૂરી કરી દીધુ છે.
પૈસાની લેવડ-દેવડ નહીં કરી શકાય:
SBIએ જણાવ્યું કે, કૃપા કરીને નવાં KYC દસ્તાવેજો સાથે તમારી SBI શાખાનો સંપર્ક કરો. જો KYC પૂરું કરવામાં નહીં આવે તો તમારાં ખાતાંમાં ભવિષ્યમાં થતો વ્યવહાર અટકાવી શકાય છે.
મોબાઇલ વીડિયોની મદદથી કરી શકાશે KYC:
રિઝર્વ બેંક ઓએ તાજેતરમાં KYC નિયમોમાં ફેરફાર કર્યા છે. આ હેઠળ, આધાર બેઝ્ડ વીડિયો કસ્ટમર આઇડેન્ટિફિકેશન પ્રોસેસ (V-CIP)ને મંજૂરી આપવામાં આવી છે. હવે બેંકો, NBFC અને અન્ય લોન આપનારી સંસ્થાઓ વીડિયો બેઝ્ડ આઇડેન્ટિફિકેશન પ્રોસેસનો ઉપયોગ KYC માટે કરી શકશે. આનાથી હવે લોકોએ KYC માટે બેંકો અથવા અન્ય સંસ્થાઓમાં જવાની જરૂર નહીં પડે.
વીડિયો KYC કેવી રીતે થશે?
- આ નવી સુવિધા અંતર્ગત અંતરિયાળ વિસ્તારોમાં રહેતી નાણાકીય સંસ્થાઓના અધિકારીઓ પાન અથવા આધારકાર્ડ અને કેટલાક સવાલોના માધ્યમથી ગ્રાહકની ઓળખ કરી શકશે.
- વીડિયો કોલનો વિકલ્પ ફક્ત સંબંધિત બેંક અથવા સંસ્થાના ડોમેન પર જ ઉપલબ્ધ હશે. ગ્રાહકો થર્ડ પાર્ટી સોર્સ જેવાં કે, Google Duo અથવા WhatsApp કોલ્સ અથવા કોઈપણ અન્ય માધ્યમથી વીડિયો કોલ નહીં કરી શકે.
- આધાર બેઝ્ડ વીડિયો કસ્ટમર આઇડેન્ટિફિકેશન પ્રોસેસ હેઠળ નાણાકીય સંસ્થાઓના અધિકારીઓ પાન અથવા આધારકાર્ડ પર આધારિત કેટલાક પ્રશ્નો પૂછીને ગ્રાહકની ઓળખની પુષ્ટિ કરશે. આ સાથે જ એજન્ટને જીઓ-કોઓર્ડિનેટ્સ હેઠળ પુષ્ટિ કરવી પડશે કે ગ્રાહક દેશમાં જ છે.