સુવિધા / કોઇ પણ ડોક્યુમેન્ટ્સ વગર SBI માં ખોલો એકાઉન્ટ, મળશે આ લાભ

SBIની ઑફિશ્યલ જાણકારી અનુસાર, આ એકાઉન્ટ 18 વર્ષથી વધારે ઉમંરવાળો કોઇ પણ વ્યકિત ખોલી શકાવે છે. 

ઝીરો બેલેન્સ એકાઉન્ટની વિશેષતા:

- SBI વેબસાઇટ પર આપવામાં આવેલી માહિતી અનુસાર તમારે SBIમાં એકાઉન્ટ ખોલાવવા માટે અધિકૃત અધિકારીની પાસે તમારે એક સેલ્ફ અટેસ્ટેડ ફોટોગ્રાફ, હસ્તાક્ષર અથવા તો અંગૂઠાનો ઇમ્પ્રેશન જમા કરાવવુ પડશે. 

- SBI સ્મૉલ એકાઉન્ટમાં તમારે મિનિમમ બેલેન્સ રાખવાની જરૂર નહી પડે. જોકે આ એકાઉન્ટમાં વધારેમાં વધારે 50000 રૂપિયા રાખી શકો છો.

- SBI ના અન્ય સેવિંગ એકાઉન્ટની જેમ આ એકાઉન્ટમાં પણ એટલુ જ વ્યાજ મળે છે. 

- SBI સ્મોલ એકાઉન્ટ હોલ્ડરને બેસિક રૂપે ATM કમ ડેબિટ  કાર્ડ ફ્રી ઓફ કોસ્ટ આપે છે. આ ખાતામાં કોઈ એન્યુઅલ જાળવણી ફી નથી. 

- રેગ્યુલર સેવિંગ્સ એકાઉન્ટમાં કોઇ પણ પ્રકારની ડિપોઝિટ, બેંક અથવા ATMમાંથી રોકડ ઉપાડ, ઇન્ટરનેટ બૅન્કિંગ, ફંડ ટ્રાન્સફર, કેન્દ્ર અને રાજ્ય સરકાર તરફથી આવનારા ચેકને ડિપોઝિટ કરવાની સુવિધા ઉપલબ્ધ થશે. આ તમામ સેવાઓ મફત છે. એકાઉન્ટ બંધ કરવા માટે કોઈ ચાર્જ નથી.

શરતો:

- SBI અનુસાર તમે આ એકાઉન્ટમાં 50,000 રૂપિયાથી વધુનું બેલેન્સ રાખી શકતા નથી.
- વિડ્રોઅલ અને ટ્રાન્સફર એક મહિનામાં 10,000 રૂપિયાથી વધુ ન હોવું જોઈએ.
- એક વિત્ત વર્ષમાં 1 લાખથી વધુ ક્રેડિટ હોવી જોઈએ નહીં.
- જો એકાઉન્ટમાં બેલેન્સ 50,000 થી વધુ અને 1 લાખથી વધુ છે, તો કેવાયસી પ્રક્રિયા પૂર્ણ થાય ત્યાં સુધી તમે એકાઉન્ટમાંથી ટ્રાંઝેક્શન કરી શકતા નથી.
- એક મહિનામાં 4 થી વધુ વિડ્રોઅલ કરી શકાતા નથી. આમાં તમારા બેંકના ATM અથવા અન્ય બેંકના ATM, ઇન્ટરનેટ બૅન્કિંગ, શાખા, પૈસા ટ્રાન્સફર વગેરેમાંથી પૈસા ઉપાડવાનો સમાવેશ થાય છે.

વધારે જાણકારી માટે આ લિંક પર ક્લિક કરો / https://www.sbi.co.in/portal/web/personal-banking/small-account

1 સપ્ટેમ્બર ફી ભરવાની રહેશે નહીં

RBIએ કહ્યું છે કે ઝીરો બેલેન્સ એકાઉન્ડ હોલ્ડરને નવી સુવિધાઓ મેળવવા માટે કોઈપણ પ્રકારની ફી ચૂકવવી પડશે નહીં. ઝીરો બેલેન્સ એકાઉન્ટ એવા લોકો દ્વારા ખોલી શકાય છે જેઓ તેમના એકાઉન્ટમાં કોઈ પણ મિનિમમ બેલેન્સ રાખવા માંગતા નથી અને દર મહિને તેઓ ચાર કરતા ઓછા વ્યવહાર કરે છે.