તમે સ્ટેટ બેંકનું પહેલા કદમ સેવિંગ્સ એકાઉન્ટ અને પહેલી ઉડાન સેવિંગ્સ એકાઉન્ટ બંને ઓનલાઈન અને ઓફલાઈન ખોલી શકો છો.
સ્ટેટ બેન્કની બાળકો માટે ખાસ સર્વિસ
ઘરે બેઠા ખોલાવી શકાય છે એકાઉન્ટ
મિનિમમ બેલેન્સની નથી કોઈ લિમિટ
દેશની સૌથી મોટી સાર્વજનિક ક્ષેત્રની બેન્ક ભારતીય સ્ટેટ બેન્ક નાબાલિકોને પોતાના ત્યાં સેવિંક એકાઉન્ટ ખોલવાની સુવિધા આપે છે. 18 વર્ષથી ઓછી ઉંમરના બાળકના ખાતા માતા-પિતા ખૂબ જ સરળતાથી ખોલાવી શકે છે. સ્ટેટ બેન્ક બાળકોના ખાતાને બે કેટેગરીની સુવિધા આપે છે. પહેલી કેટેગરીનું નામ છે પહેલા કદમ (SBI Pehla Kadam) અને બીજુ છે પહેલી ઉડાન (SBI Pehli Udaan).
આ બન્ને સેવિંગ એકાઉન્ટને કસ્ટમર્સ ઘરે બેઠા જ એસબીઆઈ મોબાઈલ બેન્કિંગ એપ યોનોથી ગ્રાહક ખોલી શકે છે. બન્ને ખાતાની ખાસિયત એ છે કે બન્નેમાં મિનિમમ બેલેન્સ મેન્ટેન કરવાની કોઈ ઝંઝટ નથી રહેતી. તેની સાથે જ આ ખાતામાં નેટ બેન્કિંગ, મોબાઈલ બેન્કિંગ જેવી સુવિધા પણ મળે છે. જાણો તેના વિશે....
પહેલા કદમ બેન્ક સેવિંગ અકાઉન્ટ (SBI Pehla Kadam Details)
પહેલા કદમ બેન્ક સેવિંગ અકાઉન્ટ કોઈપણ વયના સગીર બાળક માટે ખોલી શકાય છે. આ ખાતું માતાપિતા અથવા વાલી સાથે સંયુક્ત રીતે પણ ખોલી શકાય છે. માત્ર બાળકના નામે ખાતું ખોલાવી શકાતું નથી. આ ખાતું બાળક અને માતા-પિતા બંને અલગથી ચલાવી શકે છે.
આ એકાઉન્ટ પર બેંક એક ડેબિટ કાર્ડ જારી કરે છે જેમાંથી તમે 5,000 રૂપિયા સુધી ઉપાડી શકો છો. આ ખાતામાં તમને 2,000 રૂપિયાના મોબાઇલ બેંકિંગ ટ્રાન્ઝેક્શન માટે પરવાનગી મળે છે. આ ખાતામાં એક ચેકબુક પણ ઉપલબ્ધ છે જેમાં 10 ચેક છે. આ ચેકબુક વાલીના નામે જારી કરવામાં આવે છે. આ ખાતું ખોલાવતી વખતે મોબાઈલ નંબર નાખવો જરૂરી છે.
પહેલી ઉડાન સેવિંગ્સ એકાઉન્ટ (SBI Pehli Udaan Details)
સ્ટેટ બેંક પહેલ ઉડાન સેવિંગ્સ એકાઉન્ટ 10 વર્ષથી વધુ અને 18 વર્ષથી ઓછી ઉંમરના બાળકો માટે ખોલી શકાય છે. આ ખાતું ફક્ત બાળકોના નામે જ એક ખાતા તરીકે ખોલી શકાય છે. સગીર એકલા આ એકાઉન્ટને હેન્ડલ કરી શકે છે.
આ ખાતામાં ડેબિટ કાર્ડની સુવિધા પણ ઉપલબ્ધ છે. જેની દૈનિક મર્યાદા 5,000 રૂપિયા છે. આ સાથે નેટ અથવા મોબાઇલ બેંકિંગ દ્વારા આ ખાતામાં 2,000 રૂપિયા ટ્રાન્સફર કરી શકાય છે. આ સાથે એક ચેકબુક પણ ઉપલબ્ધ છે જેમાં 10 ચેક આપવામાં આવે છે.
ખાતું ખોલવાની પ્રક્રિયા
તમે સ્ટેટ બેંક પહેલા કદમ સેવિંગ્સ એકાઉન્ટ અને પહેલી ઉડાન સેવિંગ્સ એકાઉન્ટ બંને ઓનલાઈન અને ઓફલાઈન ખોલી શકો છો. ઓનલાઈન તમે મોબાઈલ બેંકિંગ એપ YONO પર બેંક ખોલી શકો છો. આ સિવાય તમે તમારા ઘરની નજીકની શાખામાં જઈને ખાતું ખોલાવી શકો છો. આ માટે તમારે આધાર કાર્ડ, માતા-પિતાના આધાર અને PANની જરૂર પડશે.