દેશની સૌથી મોટી સરકારી બેંક SBIએ લોકોને એલર્ટ કરતા કહ્યું કે જો તમે કોઈ પણ રજિસ્ટર્ડ બ્રાંડનું નામ કે પછી લોગોને પરમિશન વિના વાપરો છો તો તે દંડનીય અપરાધ છે. તેની વિરુદ્ધ કાર્યવાહી કરાશે. અનેકવાર લોકો નાના મોટા બિઝનેસ કે કામ શરૂ કરવા કોઈ ફેમસ બ્રાન્ડનો લોગો વાપરે છે તો તેની વિરુદ્ધ કાર્યવાહી થઈ કે છે.
SBIએ કરોડો લોકોને કર્યા એલર્ટ
મંજૂરી વિના કોઈનો લોગો વાપરવો દંડનીય અપરાધ
થઈ શકે છે મોટી કાર્યવાહી
SBIએ કર્યું ટ્વિટ
સ્ટેટ બેંક ઓફ ઈન્ડિયાએ પોતાના ઓફિશિયલ ટ્વિટર પર લખ્યું છે કે અમારા અધિકારીઓએ અનેક ખાતા પર ધ્યાન આપતાં જાણવા મળ્યું છે કે અનેક લોકો ફેમસ બ્રાન્ડના નામ કે લોગોનો ઉપયોગ કરી રહ્યા છે. આ સંપૂર્ણ રીતે દંડનીય અપરાધ છે.
અન્ય કોઈ ફેમસ બ્રાન્ડનું નામ કે લોગો પરમિશન વિના વાપરનારા લોકોની વિરુદ્ધ ઈન્ડિયન પેનલ કોડ 1882, ઈન્ફોર્મેશન ટેક્નોલોજી એક્ટ 2000 (સેક્સન 66C, 66D), ટ્રેડમાર્ક એક્ટ 1999 અને કોપીરાઈટ એક્ટ 1957ના આધારે એક્શન લેવાશે. દરેક એક્ટાના આધારે અપરાધ કરનારા લોકોને દંડ થઈ શકે છે.
ફેક મેલના ઝાંસામાં ન આવે ગ્રાહકો
આ સિવાય એસબીઆઈએ કરોડો ગ્રાહકોને એલર્ટ કરતાં કહ્યું છે કે કેટલાક લોકો ગ્રાહકોને ફેક મેલ મોકલી રહ્યા છે. આ મેલ બેંક સંબંધિતિ નથી. એક ટ્વિટમાં બેંકે ગ્રાહકોને અનુરોધ કર્યો છે કે સોશ્યલ મીડિયા પર સતર્ક રહો અને કોઈ ભ્રામક અને ખોટા મેસેજમાં ન ફસાઓ.