યોજના / સોનાની FD કરાવીને તમે પણ કમાઇ શકો છો રૂપિયા, સોનું પણ રહેશે સુરક્ષિત

સ્ટેટ બેંક ઑફ ઇન્ડિયાએ રિવેમ્પ્ડ ગોલ્ડ ડિપોઝિટ યોજના શરૂ કરી છે. આ સોનાની ફિક્સ્ડ ડિપોઝિટ સ્કીમ છે. ગ્રાહકો આ સ્કીમ હેઠળ પોતાના સોના અથવા સોનાની ઘરેણાને બેંકમાં FD કરાવી શકે છે, જેથી સોનુ સુરક્ષિત પણ રહે છે અને તેના પર વ્યાજ પણ મળે છે. આ સિવાય FD કરેલા સોના પર તમને પ્રોપર્ટી ટેક્સ નહી ભરવો પડે. એટલુ જ નહી જરૂર પડવા પર FDના આધાર પર તમે લોન પણ લઇ શકો છો. ટ

સ્કીમ સાથે જોડાયેલી કેટલીક બાબતો:

- STBD કેટેગરી હેઠળ 1 વર્ષ માટે FD કરવા પર 0.50 % વ્યાજ મળે છે. જ્યારે 2 અને 3 વર્ષ માટે FD કરાવવા પર ક્રમશ: 0.55 % અને 0.60 % વ્યાજ મળે છે. આ સિવાય MTGD કેટેગરી હેઠળ 2.25%  વાર્ષિક વ્યાજ મળે છે. જ્યારે LTGD કેટેગરી હેઠળ ગોલ્ડની FD કરાવવા પર 2.50% વાર્ષિક વ્યાજ મળે છે. 

- રિવેમ્પ્ડ ગોલ્ડ ડિપોઝિટ યોજના હેઠળ ગ્રાહકે ઓછામાં ઓછું 30 ગ્રામ સોનું જમા કરાવવું પડશે. જોકે, સોનું જમા કરવાની મહત્તમ મર્યાદા નક્કી કરવામાં આવી નથી. એટલે કે, તમે 30 ગ્રામ જેટલુ સોનું જમા કરીને તેની પર વ્યાજ મેળવી શકો છો.

- આ યોજના હેઠળ SBIએ ત્રણ પ્રકારની કેટેગરી બનાવી છે. પહેલી કેટેગરીમાં, સોનું 1-3 વર્ષ સુધી જમા કરવામાં આવે છે. તેને શોર્ટ ટર્મ બેંક ડિપોઝિટ (SBDT) કહેવામાં આવે છે. બીજી કેટેગરીને મીડિયમ ટર્મ ગવર્મેન્ટ ડિપોઝિટ (MTGD) કહેવામાં આવે છે, જેનો મેચ્યોરિટી પિરિયડ 5-7 વર્ષ છે. લોન્ગ ટર્મ ગવર્મેન્ટ ડિપોઝિટ (LTGD) કેટેગરી હેઠળ 12-15 વર્ષ માટે સોનું જમા કરાવી શકાય છે.

- FDની મેચ્યોરિટી પિરિયડ પૂરો થયા પછી ગ્રાહક પાસે વ્યાજ સહિત પોતાનું સોનુ લેવા માટે 2 વિકલ્પ મળે છે. ક્યાં તો સોનાના રૂપે પરત લઇ શકે છે અથવા તો સોનાની કિંમતનું રોકડ રકમ લઇ શકે છે. જોકે સોનુ જ પરત લેવા પર 0.20% વ્યાજ દરથી  એડમિનિસ્ટ્રેટિવ ચાર્જ વસૂલવામાં આવશે. 

- STBD કેટેગરી હેઠળ 1 વર્ષનો લોક-ઇન પિરિયડ હોય છે. જોકે નક્કી કરેલા સમય પહેલા પૈસા નીકાળવા પર વ્યાજ દરમાં પેનલ્ટી લગાવવામાં આવે છે. તો MTGD કેટેગરી હેઠળ 3 વર્ષ પછી ગમે ત્યારે સ્કીમમાંથી બહાર થઇ શકો છો. જોકે મેચ્યોરિટી પિરિયડ પહેલા સ્ક્રીમ બ્રેક કરવા પર વ્યાજ દરમાં પેનલ્ટી લગાવવામાં આવશે. આ સિવાય LTGD કેટેગરી હેઠળ 5 વર્ષ પછી સોનું નીકાળી શકાય છે, જોકે તેના વ્યાજ દર પર પેનલ્ટી લગાવવામાં આવશે.

- આ સ્કીમ હેઠળ સ્ટેટ બેંકની કેટલીક પસંદગીની બ્રાન્ચ પર જ સોનાની FD કરાવી શકાશે.

આ સ્કીમની વધુ જાણકારી માટે કરો અહીંયા લિંક