તમારા કામનું / SBIમાં ખોલાવવું છે PPF એકાઉન્ટ? આ જરૂરી વાતોનું રાખો ખાસ ધ્યાન, જાણી લો પ્રોસેસ

• SBIમાં આ રીતે ખોલાવો PPF એકાઉન્ટ 
• રોકાણ પર મળશે ટેક્સ છૂટ 
• જાણો તેના વિશે બધુ જ 

પોતાના ભવિષ્ય અને વૃદ્ધા વસ્થાના ખર્ચને લઈને દરેકને ચિંતા થાય છે. પોતાના ભવિષ્યને સુરક્ષિત અને સિક્યોર કરવા માટે PPF સૌથી સારો વિકલ્પ છે. તેની સાથે જ આ ટેક્સમાં પણ લાભ આપે છે. તેમાં રોકાણ કરવાથી રિટર્ન, મેચ્યોર રકમ અને સમગ્ર વ્યાજ સંપૂર્ણ રીતે કર મુક્ત એટલે કે ટેક્સ ફ્રી હોય છે. તેના હેઠળ તમારે આવકવેરાની કલમ 80C હેઠળ 150000ના રોકાણ પર ટેક્સ છૂટ પણ આપવામાં આવે છે. આવો જાણીએ તેના વિશે.

ભવિષ્ય નિધિ આપે છે લાભ 
મહત્વનું છે કે આ સમયે PPF ખાતુ 7.1 ટકાનું વ્યાજ દર આપે છે. એક્સપર્ટ્ અનુસાર લાંબા સમયગાળા માટે PPFમાં રોકાણ કરવા પર કમ્પાઉન્ડ પાવરનો ફાયદો પણ મળે છે. એટલે કે એક્સ્ટ્રા લાભ. દેશની સૌથી મોટી સાર્વજનિક ક્ષેત્રની બેન્ક ભારતીય સ્ટેટ બેન્ક પણ ગ્રાહકોને PPF ખાતું ઓનલાઈન ખોલવાની પરવાનગી આપે છે. 

જરૂરી દસ્તાવેજ 
PPF ખાતુ ખોલવા માટે અમુક ખાસ દસ્તાવેજ હોવા જરૂરી છે. તેમાં નોમીનેશન ફોર્મ, પાસપોર્ટ ફોટો, પાન કાર્ડ, આઈડી પ્રૂફ અને એડ્રેસ પ્રૂફ શામેલ છે. બેન્કના કેવાઈસી માપદંડો અનુસાર આ દસ્તાવેજ ખાતુ ખોલવા માટે તમારી પાસે જરૂર હોવા જોઈએ. તો આવો જાણીએ દેશના સૌથી મોટા બેન્ક SBIમાં PPF ખાતું ખોલવાની પુરી પ્રક્રિયા. 

SBIમાં PPF ખાતુ ખોલવાની પ્રક્રિયા 

• સૌથી પહેલા SBI નેટ બેન્કિંગ પોર્ટલ- onlinesbi.com પર જાઓ અને લોગ ઈન કરો. 
• હવે 'રિક્વેસ્ટ એન્ડ ઈન્ક્વાયર્સ ટેબ' પર જાઓ અને 'ન્યૂ પીપીએફ એકાઉન્ટ ' વિકલ્પ પર ક્લિક કરો.
• ત્યાર બાદ 'PPF ખાતા માટે અરજી કરો' પર ક્લિક કરો. 
• અહીં સ્ક્રીન પર તમે જરૂરી માહિતી જેવી કે નામ, પાન અને એડ્રેસ ભરો.
• ત્યાર બાદ બેન્કનો એ બ્રાન્ચ કોડ નાખો જ્યાંથી તમારે ખાતુ ખોલાવવું છે. 
• હવે તમે ફોર્મ ભરીને અહીં સબમિટ કરો 
• ત્યાર બાદ તમને એક OTP મળશે જેને નાખો અને ફોર્મ પ્રિન્ટ કરો 'PPF ખાતું ઓનલાઈન અરજી પ્રિન્ટ કરો' પર ક્લિક કરો. 
• 30 દિવસની અંદર KYC દસ્તાવેજો અને ફોટોની સાથે બ્રાન્ચ પર જાઓ. ખાતું ખોલવાનું ફોર્મ SBI અનુસાર જમા કરવાની તારીખથી 30 દિવસ બાદ હટાવી લેવામાં આવશે.