તમારા કામનું / SBI ATMમાંથી પૈસા ઉપાડવાના નિયમો બદલાયા, હવે OTPની પડશે જરુર, જાણો આની તમામ વિગતો

• 10 હજાર રૂપિયાથી વધુના ઉપાડ માટે ઓટીપી જરૂરી છે
• આ સુવિધા ફક્ત એસબીઆઈ એટીએમ પર મળશે
• રાતે 8 થી સવારના 8 વાગ્યા દરમિયાન આ સુવિધા આ રીતે કામ કરશે

10 હજાર રૂપિયાથી વધુના ઉપાડ માટે ઓટીપી જરૂરી છે

એસબીઆઈની આ ઓટીપી બેસ્ટ વિડ્રો સુવિધા હેઠળ જો કોઈ એસબીઆઇ ગ્રાહક રાતના 8 થી સવારે 8 વાગ્યા દરમિયાન 10,000 રૂપિયા અથવા વધુની રોકડ ઉપાડશે. તો તેમના માટે ઓટીપી જરૂરી રહેશે. ઓટીપી વિના તેઓ 10 હજાર રૂપિયા કે તેથી વધુ રકમ ઉપાડી શકશે નહીં.

આ સુવિધા ફક્ત એસબીઆઈ એટીએમ પર મળશે

એસબીઆઇએ કહ્યું છે કે આ સુવિધા ફક્ત સ્ટેટ બેંક ઓફ ઇન્ડિયાના એટીએમ પર મળશે. જો કે એસબીઆઇએ એમ પણ કહ્યું હતું કે જો કોઈ એસબીઆઇ ગ્રાહક આ સમય દરમિયાન બીજી બેંકના એટીએમમાંથી રોકડ ઉપાડે છે, તો તેઓને ઓટીપી મોકલવામાં આવશે નહીં, કારણ કે આ સુવિધા નેશનલ ફાઇનાન્શિયલ સ્વિચ એટલે કે એનએફએસમાં વિકસિત કરવામાં આવી નથી. એન.એફ.એસ. એ દેશનું સૌથી મોટું ઇન્ટરટોપરેબલ એટીએમ નેટવર્ક છે.

An all new OTP based cash withdrawal system has been in effect since 1st Jan 2020 at all our ATMs. Protect yourself from unauthorized transactions across all SBI ATMs from 8 PM to 8 AM.#SBI #StateBankOfIndia #ATM #OTP #Safety #TransactSafely #SBIATM #Cash #Withdrawal pic.twitter.com/9G9RLhLNsh

— State Bank of India (@TheOfficialSBI) July 3, 2020

શુક્રવારે એક ટ્વીટમાં એસબીઆઈએ લખ્યું છે કે, '1 જાન્યુઆરી 2020 થી ઓટીપી આધારિત કેશ ઉપાડ સિસ્ટમ લાગુ કરવામાં આવી છે. જો તમે રાતે 8 થી સવારના 8 વાગ્યા દરમિયાન આ એટીએમમાંથી રોકડ ઉપાડો છો તો તમે આ સુવિધા હેઠળ સંભવિત છેતરપિંડીથી બચી શકો છો.

એસબીઆઈની આ સુવિધા કેવી રીતે કાર્ય કરશે?

1. એસબી એટીએમમાંથી રોકડ ઉપાડવા માટે ગ્રાહકોને પિન નંબર સાથે ઓટીપી દાખલ કરવો પડશે. આ ઓટીપી તેમના દ્વારા એસબીઆઇ સાથે નોંધાયેલા મોબાઇલ નંબર પર મોકલવામાં આવશે.

2. એસબીઆઈની ઓટીપી આધારિત એટીએમ ઉપાડની સુવિધા ફક્ત 10 હજાર રૂપિયાથી વધુની વિડ્રો પર જ ઉપલબ્ધ હશે.

3. એસબીઆઇએ આ સુવિધા શરુ કરી છે જેથી એસબીઆઈ ડેબિટ કાર્ડ ધારકોને કોઈપણ સંભવિત સ્કીમિંગ અથવા કાર્ડ ક્લોનિંગથી સુરક્ષિત રાખી શકાય. આ રીતે તેઓ છેતરપિંડીથી બચી શકશે.
4. જોકે, એસબીઆઇએ પણ સ્પષ્ટ કર્યું છે કે આ સુવિધા ફક્ત એસબીઆઈ એટીએમ પર મળશે.