આજકાલ EMIની સુવિધા ખૂબ જ લોકપ્રિય છે, ખરીદી કરો અને તેને EMIમાં કન્વર્ટ કરો. ત્યારે એસબીઆઈ પણ જોરદાર સુવિધા લઈને આવી છે. ચાલો જાણીએ.
એસબીઆઈના ગ્રાહકો માટે સારાં સમાચાર
બેંક આપી રહી છે જોરદાર સુવિધા
મોંઘી વસ્તુઓ સરળતાથી ખરીદી શકાશે
EMIના ઘણાં ફાયદા છે, જેમાં સૌથી અગત્યનો ફાયદો છે કે તમારે એકસાથે પૈસા ખર્ચ કરવા પડતા નથી અને તેના પર કોઈ વ્યાજ પણ લાગતું નથી. જોકે, ઈએમઆઈની સુવિધા સમાન્ય રીતે ક્રેડિટ કાર્ડ પર મળે છે અને ક્રેડિટ કાર્ડ બધાં પાસે હોતું નથી. એવામાં દેશની સૌથી મોટી બેંક ડેબિટ કાર્ડ પર ઇએમઆઈની સુવિધા લાવી છે.
એસબીઆઈ ડેબિટ કાર્ડ પર ઇએમઆઈ ઓફર
એસબીઆઈના જણાવ્યા અનુસાર, જો તમે બેંકના ડેબિટ કાર્ડથી ટીવી, ફિઝ, એસી જેવા હોમ એપ્લાયન્સિસ ખરીદો છો અથવા ઓનલાઇન શોપિંગ કરો છો, તો તમને ઇએમઆઈનો વિકલ્પ પણ મળશે. એટલે કે, કોઈ દુકાન પર જઈને POS મશીનથી પેમેન્ટ કર્યા પછી તમે તેને હપ્તામાં ચુકવી શકો છો. આનાથી અચાનક તમારા ખાતામાંથી મોટી રકમ કપાશે નહીં. તમે તમારી સુવિધા અનુસાર EMIની સંખ્યા પસંદ કરી શકો છો. જો તમે એમેઝોન, ફ્લિપકાર્ટથી ઓનલાઇન ખરીદી કરો છો, તો પણ તમે એસબીઆઇ ડેબિટ કાર્ડથી ચૂકવણી કરીને તેને ઇએમઆઈમાં રૂપાંતરિત કરી શકો છો.
એસબીઆઈની આ ઓફર કોના માટે છે?
એસબીઆઈના જણાવ્યા અનુસાર આ સુવિધા એસબીઆઈના પ્રી-અપ્રુવ્ડ કસ્ટમર્સને જ મળે છે. એટલે કે બેંકના તમામ ગ્રાહકોને આ સુવિધા મળશે નહીં. અન્ય ગ્રાહકોએ ડેબિટ કાર્ડથી સંપૂર્ણ ચૂકવણી કરવી પડશે. તેથી ખરીદી કરતા પહેલાં, ખાતરી કરો કે તમારા ડેબિટ કાર્ડમાં ઇએમઆઈ સુવિધા છે કે નહીં, તે પછી જ ખરીદી કરો. જો તમારા ડેબિટ કાર્ડમાં ઇએમઆઈ સુવિધા છે, તો તમારા એકાઉન્ટમાં પૈસા ઓછા હોવા છતાં પણ તમે ખરીદી કરી શકો છો.
કેવી રીતે જાણવું કાર્ડમાં ઇએમઆઈ સુવિધા છે કે નહીં
જો તમે જાણવા માંગો છો કે તમારા ડેબિટ કાર્ડ પર ઇએમઆઈ સુવિધા છે કે નહીં, તો તમારા રજિસ્ટર કરેલા મોબાઇલ ફોનથી DCEMI લખીને 5676766 પર મેસેજ કરો. આનાથી તમને ખબર પડી જશે કે તમને આ સુવિધા મળી છે કે નહીં.
એસબીઆઈ ડેબિટ કાર્ડ ઇએમઆઈના ફાયદા
જો તમારી પાસે તમારા એસબીઆઇ ડેબિટ કાર્ડ પર ઇએમઆઈ સુવિધા છે, તો તમે 1 લાખ રૂપિયા સુધી ખરીદી કરી શકો છો. પછી તેને ચૂકવવા માટે તમને 6, 9, 12 અને 18 મહિનાના EMIનો વિકલ્પ મળે છે. તમે તમારી સુવિધા અનુસાર કોઈપણ વિકલ્પ પસંદ કરી શકો છો. ઇએમઆઈ પર 2 વર્ષના MCLR પર 7.5% વધારે વ્યાજ લેવામાં આવશે. જોકે બેંકે સ્પષ્ટ કર્યું છે કે મોટાભાગના ઉત્પાદનો પર બ્રાન્ડ્સ નો કોસ્ટ ઇએમઆઈ પણ ઓફર કરે છે, એટલે કે તમારે ઘણી વસ્તુઓની ખરીદી પર વ્યાજ ચૂકવવું પડશે નહીં.
ગ્રાહકોએ આના પર કોઈ પ્રોસેસિંગ ફી ચૂકવવાની રહેશે નહીં. ઉપરાંત, તમારા બચત ખાતાનું બેલેન્સ પણ બ્લોક નહીં થાય, એટલે કે, તમે તમારા બેંક ખાતાના પૈસા આરામથી વાપરી શકો છો. આ માટે કોઈ પેપર વર્ક કરવાની જરૂર નથી, કેમ કે આ પ્રી અપ્રૂવ્ડ છે.