અરે વાહ ! / તહેવારોમાં કાર ખરીદવાનું વિચારતા હોવ તો જલ્દી કરો! સૌથી મોટી બૅન્ક આપી રહી છે જોરદાર ઑફર અને લાભ

• ફેસ્ટિવલ સિઝનમાં કાર ખરીદવા માટે ઉત્તમ તક
• SBI કાર લોનના વ્યાજ દરમાં આપી રહ્યું છે ડિસ્કાઉન્ટ
• વ્યાજ દરમાં 0.50 ટકાનું ડિસ્કાઉન્ટ મળશે

SBIએ પ્રોસેસિંગ ફીમાં 100 ટકા ડિસ્કાઉન્ટ આપ્યું

આ સાથે યોનો એપ દ્વારા કાર લોન માટે એપ્લાય કરતા સારી ઓફર રજૂ કરાઈ રહી છે. તહેવારોની મોસમને ધ્યાનમાં રાખીને SBIએ પ્રોસેસિંગ ફીમાં 100 ટકા ડિસ્કાઉન્ટ આપ્યું છે. જ્યારે ઓન રોડની કિંમત પર 90 ટકા સુધી લોન આપી રહી છે. એસબીઆઈ મુજબ, જો ગ્રાહક યોનો એપ દ્વારા લોન માટે અરજી કરે છે, તો તેને વ્યાજ દરમાં 0.50 ટકાનું ડિસ્કાઉન્ટ મળશે. કાર લોન ચૂકવવવાનો કાર્યકાળ 3-7  વર્ષનો રહેશે. એટલે કે વધુમાં વધુ 7 વર્ષમાં કાર લોન ચૂકવવી પડશે.

આ લોકો કરી શકશે એપ્લાય

એસબીઆઈ કાર લોન માટે 21 થી 67 વર્ષની ઉંમરની કોઈ પણ વ્યક્તિ અરજી કરી શકે છે. સેન્ટ્રલ પબ્લિક સેક્ટર એન્ટરપ્રાઈઝના રેગ્યુલર કર્મચારીઓ, ડિફેન્સ  સેલેરી પેકેજ, પેરા મિલેટ્રી સેલેરી પેકેજ અને ઈન્ડિયન કોસ્ટલ ગાર્ડ પેકેજ ગ્રાહકો અને અલગ-અલગ સંરક્ષણ સંસ્થાઓમાં શોર્ટ કમિશ્નડ ઓફિસર્સ કેટેગરીમાં સામેલ લોકોની વાર્ષિક આવક 3 લાખ રૂપિયા હોવી જોઈએ. આ કેટેગરીમાં મહત્તમ લોન વાર્ષિક ચોખ્ખી આવકની 48 ગણી મળશે.

કાર લોન લેવા માટે શું ગણિત છે?

પ્રોફેશનલ,  સેલ્ફ એમ્પલોય, બિઝનેસમેન, પાર્ટનરશિપ- પાર્ટનરશિપ ફર્મ્સ અને અન્ય ઈન્કમ ટેક્ષ એસેસીઝ જેનો ચોખ્ખો નફો અથવા કુલ કરપાત્ર આવક 3 લાખ રૂપિયા કાર લોન માટે એપ્લાય કરી શકે છે. આ કેટેગરીમાં મહત્તમ લોન વાર્ષિક ચોખ્ખો નફો અથવા કુલ કરપાત્ર આવકની 4 ગણી મળશે. આ સિવાય એગ્રીકલ્ચર અને તેની સાથે જોડાયેલા લોકો પણ સામેલ થઇ શકશે. ખેડૂતો માટે ઈન્કમ ટેક્સ રિટર્ન બતાવવાની જરૂર નથી. આવા અરજદારોની વાર્ષિક આવક 4 લાખ હોવી જોઈએ. જેને વાર્ષિક આવકની 3 ગણી કાર લોન મળશે.

વ્યાજ દરમાં ડિસ્કાઉન્ટની સાથે જીરો પ્રોસેસિંગનો ફાયદો મળશે

એસબીઆઈની મોબાઈલ એપ YONO દ્વારા પણ કાર લોન માટે અરજી કરવાથી વ્યાજ દરમાં ડિસ્કાઉન્ટની સાથે જીરો પ્રોસેસિંગનો ફાયદો પણ મળશે. આ સિવાય એકસ્ટ્રા કેશ ડિસ્કાઉન્ટ, ફ્રી એસેસરીઝની સાથે ડિલીવરીમાં પ્રાથમિકતા મળશે.