જો તમે તમારા મોબાઈલ પર SBI બેંકિંગ સુવિધાનો લાભ લેવા ઈચ્છો છો, તો આ માટે તમારે પહેલા તમારો નંબર રજીસ્ટર કરાવવો પડશે.
ઉઠાવો SBI બેંકિંગ સુવિધાનો લાભ
બ્રાંચના ધક્કા નહીં ખાવા પડે
ઘરે બેઠા WhatsApp પર થઈ જશે બધા કામ
આજકાલ સોશિયલ મીડિયા એપ્સ આપણા જીવનનો જરૂરી ભાગ બની ગઈ છે. ભારતમાં પાછલા થોડા સમયમાં ડિજિટલાઇઝેશન ખૂબ જ ઝડપથી વધ્યું છે. એવામાં લોકો તેમના મોટાભાગના કામ ઇન્ટરનેટ દ્વારા કરવા લાગ્યા છે.
આવી સ્થિતિમાં બેંકો તેમના કામ કરવાની રીતમાં પણ ફેરફાર કરી રહી છે. દેશની સૌથી મોટી જાહેર ક્ષેત્રની બેંક એટલે કે સ્ટેટ બેંક ઓફ ઈન્ડિયા તેના ગ્રાહકો માટે એક નવી સુવિધા લઈને આવી છે. હવે ગ્રાહકોને વોટ્સએપ દ્વારા બેંકિંગ સુવિધાઓનો લાભ મળશે.
તમે તમારા સ્માર્ટફોન દ્વારા જ WhatsApp પર ઘરે બેસીને ઘણી બેંકિંગ સેવાઓનો લાભ લઈ શકો છો. જો તમે તમારા મોબાઈલ પર SBI બેંકિંગ સુવિધાનો લાભ લેવા ઈચ્છો છો. તો આ માટે તમારે પહેલા તમારો નંબર રજીસ્ટર કરાવવો પડશે. અમે તમને SBI વોટ્સએપ બેંકિંગ માટે કેવી રીતે નોંધણી કરવી તે વિશે જણાવીએ....
SBI WhatsApp બેન્કિંગ માટે નોંધણી
જો તમે બેંકની વ્હોટ્સએપ બેંકિંગ સુવિધાનો લાભ લેવા માંગો છો તો પહેલા તમારે રજીસ્ટ્રેશન કરાવવું પડશે. આ માટે તમારા SBI રજિસ્ટર્ડ મોબાઈલ નંબર પરથી WAREG ટાઈપ કરીને સ્પેસ આપો અને તમારો SBI એકાઉન્ટ નંબર લખો. આ પછી 7208933148 પર SMS મોકલો. તમારો નંબર SBI WhatsApp બેન્કિંગ માટે રજીસ્ટર કરવામાં આવશે.
SBI તરફથી આવશે મેસેજ
ઉપર જણાવ્યા મુજબ મેસેજ મોકલ્યા પછી ગ્રાહકના રજિસ્ટર્ડ મોબાઈલ નંબર પર SBIના 90226 90226 પરથી WhatsApp પર મેસેજ આવશે. આ મેસેજ દ્વારા તમે હવે બેંકિંગ સેવાઓનો લાભ લઈ શકો છો.
આ રીતે કરો ચેટિંગ
તમે પહેલા Hi ટાઈપ કરો જેના જવાબમાં Hi આવશે. આ પછી Dear Customer, Welcome to SBI Whatsapp Banking Services! પછી તમને ત્રણ બેંકિંગ સેવાઓનો લાભ લેવાનો વિકલ્પ આપવામાં આવશે.
આ વિકલ્પો છે એકાઉન્ટ બેલેન્સ(Account Balance), મિની સ્ટેટમેન્ટ (Mini Statement) અને વોટ્સએપ બેન્કિંગ માટે ફરીથી નોંધણી કરાવવા. આ પછી તમે તમારી જરૂરિયાત અનુસાર વિકલ્પ પસંદ કરો અને તમારું કામ સરળ બનાવી લો.