દેશની સૌથી મોટી બેંક એટલે કે સ્ટેટ બેંક ઓફ ઈન્ડિયા તેના ગ્રાહકોને અનેક પ્રકારની સુવિધાઓ આપે છે. આમાંથી જ એક છે એસબીઆઈનું હેલ્પલાઈન. જેનું નામ એસબીઆઈ ક્વિક રાખવામાં આવ્યું છે. આ સેવા તમે એસએમએસ અથવા એક મિસ્ડ કોલથી શરૂ કરી શકો છો. આ સુવિધાની મદદથી એસબીઆઈના ગ્રાહકો અકાઉન્ટ બેલેન્સ, મિની સ્ટેટમેન્ટ, ચેક બુક માટે અરજી, છેલ્લા 6 મહિનાનું એકાઉન્ટ બેલેન્સ, હોમ લોન અને એજ્યુકેશન લોન ઈન્ટરસ્ટ સર્ટિફિકેટ જેવી જાણકારી મેળવી શકો છો.
એસબીઆઈ બેંક આપી રહી છે આ નવી સુવિધા
આ એપ યુઝ કરવા ઈન્ટરનેટની જરૂર નથી
એસએમએસ અને મિસ્ડ કોલ દ્વારા મેળવે માહિતી
એસબીઆઈએ આ એપમાં કેટલાક નવા ફીચર્સ પણ એડ કર્યા છે, જેમ કે બેંકની રજાઓનું કેલેન્ડર. આ નવા ફીચરની મદદથી ગ્રાહક તેના રાજ્યના આધારે બેંકની રજાઓ વિશે જાણી શકે છે. આ ફીચર હેઠળ તમામ રાજ્યો, યૂનિયન ટેરેટરી અને સર્કલના આધારે રજાઓનું લિસ્ટ ઉપલબ્ધ હશે.
SBI Quick App છે મદદરૂપ
હાલમાં જ એસબીઆઈએ આ વિશે ટ્વિટ કરીને જાણકારી આપી હતી. આ ટ્વિટમાં લખ્યું હતું, 'SBI Quick App'ની મદદથી સરળતાથી તમારા વિસ્તારના બેંકની રજાઓ વિશે જાણી શકશો. સાથે જ બેંક સંબંધી ઉપર જણાવેલી તમામ જાણકારીઓ માત્ર આ એક એપ પણ ઉપલબ્ધ છે.
આ એપ યુઝ કરવા ઈન્ટરનેટની જરૂર નથી
તમે એસબીઆઈની ક્વિક એપને એન્ડ્રોઈડ, વિન્ડોઝ, iOS અને બ્લેકબેરીના પ્લે સ્ટોરમાંથી ડાઉનલોડ કરી શકો છો. એકવાર આ એપ ફોનમાં ઈન્સ્ટોલ થઈ જાય પછી તેનો ઉપયોગ કરવા માટે તમારે ઈન્ટરનેટની જરૂર નહીં પડે. તમે એસએમએસ અથવા મિસ્ડ કોલ દ્વારા જ બધી સુવિધાઓ મેળવી શકો છો.
આ રીતે ચેકબુક માટે ઓનલાઈન અરજી કરો
તેના માટે CHQREQ લખીને 09223588888 પર એસએમએસ મોકલો. આ એસએમએસના જવાબમાં તમને ‘CHQACC <space> Y <space> SMSથી પ્રાપ્ત થયેલાં 6 ડિજિટનો નંબર લખીને 2 કલાકની અંદર 09223588888 પર મોકલવાનું રહેશે.
હોમ લોન સર્ટિફિકેટ માટે HLI <space> <Account Number> <space> <code> લખીને 09223588888 પર એસએમએસ કરી શકો છો.