કામની વાત / SBIના ગ્રાહકો માટે મોટા સમાચાર, 4 અને 5 સપ્ટેમ્બરે ખાસ સમયે ઓનલાઈન સર્વિસ રહેશે બંધ, જાણો તમામ વાતો

• SBIની ડિજિટલ  સર્વિસ 4  અને 5 સપ્ટેમ્બરે રહેશે બંધ
• ગ્રાહકો ઓનલાઈન ટ્રાન્ઝેક્શન કરી શકશે નહીં
• તમે પણ જાણી લો કયા સમયે સર્વિસ રહેશે બંધ

જો તમે દેશની સૌથી મોટી બેંક સ્ટેટ બેંક ઓફ ઈન્ડિયા એટલે કે SBIના ગ્રાહક છો તો તમારા માટે આ ન્યૂઝ કામના છે. બેંકે પોતાના 44 કરોડ ખાતાધારકોને માટે સૂચના જાહેર કરી છે. બેંકની કેટલીક સર્વિસ 4 અને 5 સપ્ટેમ્બરે પ્રભાવિત થશે. SBIની ઈન્ટરનેટ બેંકિંગ, યૂપીઆઈ, યોનો, યોનો બિઝનેસ, યોનો લાઈટ અને આઈએમપીએસની સર્વિસને લઈને સૂચના જાહેર કરી દેવાઈ છે. SBIએ ટ્વિટ કરીને આ જાણકારી આપી છે. એવામાં જો કોઈ જરૂરી ટ્રાન્ઝેક્શન કરવા હોય તો જલ્દી પૂરા કરી લો. 

We request our esteemed customers to bear with us as we strive to provide a better banking experience.#InternetBanking #YONOSBI #YONO #ImportantNotice pic.twitter.com/GXu3UCTSCu

— State Bank of India (@TheOfficialSBI) September 3, 2021

જાણી લો કયા સમયે આ સેવાઓ રહેશે બાધિત
SBI એ ટ્વિટમાં કહ્યું છે કે 4 સપ્ટેમ્બરે રાતે 10.35થી 5 સપ્ટેમ્બરની રાતે 1.35 મિનિટ સુધી મેન્ટેનન્સ એક્ટિવિટી ચાલુ રહેશે. આ સમયે SBIની ઈન્ટરનેટ બેંકિંગ, યૂપીઆઈ, યોનો, યોનો બિઝનેસ, યોનો લાઈટ અને આઈએમપીએસની સર્વિસ બાધિત રહેશે. તમને થતી અસુવિધા માટે ખેદ છે અને આપને અનુરોધ છે કે તમે અમારી સાથે રહો. 

આ પહેલા પણ અનેક વાર સર્વિસને બંધ કરી દેવામાં આવી છે
ઉલ્લેખનીય છે કે આવું પહેલીવાર નથી કે એસબીઆઈની કોઈ સર્વિસ પ્રભાવિત થઈ છે. આ પહેલા 6 અને 7 ઓગસ્ટે પણ બેંકે કેટલીક સર્વિસને બંધ કરી હતી. આ પહેલા 16 અને 17 જુલાઈએ રાતે 10.45થી મોડી રાતે 1.15 મિનિટ સુધી SBIની ઈન્ટરનેટ બેંકિંગ, યૂપીઆઈ, યોનો, યોનો બિઝનેસ, યોનો લાઈટ અને આઈએમપીએસની સર્વિસને બંધ કરી દેવાઈ હતી. મેન્ટેનન્સના કારણે 10 જુલાઈ રાતના 10.45થી 11 જુલાઈની સવારે 12.15 સુધી SBIની ઈન્ટરનેટ બેંકિંગ, યૂપીઆઈ, યોનો, યોનો બિઝનેસ, યોનો લાઈટની સર્વિસ પણ કામ કરી રહી ન હતી.