ભારતીય સ્ટેટ બેંકના ઈન્ટરનેટ બેંકિંગ પોર્ટલથી ગ્રાહકોને ઘણાં પ્રકારની સુવિધાઓ મળે છે. ચાલો જાણીએ.
SBIના કરોડો ગ્રાહકો માટે ખુશખબરી
બેંક ઘરે બેઠા આપે છે આ ગજબ સુવિધાઓ
એસબીઆઈની સેવાઓનો ઉઠાવો લાભ
આ સેવામાં SBIના ગ્રાહકો પોતાના એકાઉન્ટનું બેકેન્સ ચેક કરી શકે છે, ફંડ ટ્રાન્સફર કરી શકે છે, નવી ચેક બુક માટે રિક્વેસ્ટ કરી શકે છે અને ડેબિટ કાર્ડ માટે પણ અરજી આપી શકે છે. આ સર્વિસ સિવાય એસબીઆઈમાં ઈન્ટરનેટ બેંકિંગ દ્વારા ગ્રાહકોને ફિક્સ્ડ ડિપોઝિટ અને રિકરિંગ ડિપોઝિટ એકાઉન્ટ્સ બનાવવાની સુવિધા પણ મળે છે. ઈન્ટરનેટ બેંકિંગનો ઉપયોગ કરવા માટે યુઝરનેમ અને લોગિન પાસવર્ડ આવશ્યક છે.
એસબીઆઈ ઇન્ટરનેટ બેંકિંગ સુવિધા તમને તમારા ઘરની સલામતી અને સુવિધા સાથે બેંકિંગ ટ્રાન્ઝેક્શન કરવાની મંજૂરી આપે છે. આ સેવા સાથે તમે ગમે ત્યાં અને કોઈપણ સમયે ટ્રાન્ઝેક્શન કરી શકો છો.
ઘરે બેઠા કરો આ કામ
એસબીઆઈએ તેના ટ્વિટર એકાઉન્ટ પર ટ્વિટ કરીને જણાવ્યું કે ગ્રાહકો ઘરેથી ઇન્ટરનેટ બેંકિંગ દ્વારા કુલ 8 કામ પતાવી શકે છે. જેમાં પૈસાની લેવડદેવડ, એટીએમ કાર્ડ માટે અરજી, ડિપોઝિટ એકાઉન્ટથી સંબંધિત કામ, બિલનું પેમેન્ટ, સેવિંગ બેંક એકાઉન્ટનું સ્ટેટમેન્ટ, ચેક બુક માટે અરજી કરવી, યુપીઆઈ શરૂ કરવું અને બંધ કરવું, ટેક્સ પેમેન્ટ સામેલ છે.
— State Bank of India (@TheOfficialSBI) April 6, 2021
આ રીતે ઇન્ટરનેટ બેંકિંગ શરૂ કરો
અગાઉ નેટબેંકિંગ સુવિધા શરૂ કરવા માટે ખાતાધારકે બ્રાન્ચમાં જવું પડતું હતું. ત્યાં એક ફોર્મ ભરવું પડતું હતું. પછી સુવિધાઓ શરૂ કરવા માટે સૂચનાઓની પ્રી-પ્રિન્ટેડ કીટની રાહ જોવી પડતી હતી. જો એસબીઆઈ શાખાની મુલાકાત લેવાનો સમય ન હોય તો હવે તમે ઘરેથી એસબીઆઇની નેટબેંકિંગ સુવિધા માટે રજિસ્ટ્રેશનકરાવી શકો છો. આ કાર્ય સંપૂર્ણપણે ઓનલાઇન થઈ શકે છે. ચાલો જાણીએ કઈ રીતે.
સૌથી પહેલાં એસબીઆઈના નેટ બેકિંગ હોમ પેજ onlinesbi.com પર જાઓ.
એ પછી “New User Registration/Activation” પર ક્લિક કરો.
એકાઉન્ટ નંબર, સીઆઈએફ નંબર, શાખા કોડ, દેશ, રજિસ્ટર્ડ મોબાઇલ નંબર, જરૂરી સુવિધા દાખલ કરો અને "સબમિટ" બટન પર ક્લિક કરો.
આ પછી રજિસ્ટર્ડ નંબર પર ઓટીપી આવશે.
હવે એટીએમ કાર્ડ પસંદ કરો અને જો તમારી પાસે એટીએમ કાર્ડ નથી, તો બેંક આગળની પ્રક્રિયા પૂર્ણ કરશે.
ટેમ્પરેરી યુઝરનેમ નોટ કરો અને લોગિન પાસવર્ડ બનાવો. (પાસવર્ડમાં આઠ શબ્દો સાથે વિશેષ વર્ડનો ઉપયોગ કરો) પાસવર્ડ ફરીથી દાખલ કરો અને રજિસ્ટ્રેશન પ્રક્રિયા પૂર્ણ કરવા સબમિટ પર ક્લિક કરો.
ટેમ્પરેરી યુઝરનેમ અને નવા પાસવર્ડ સાથે લોગિન કરો.
પછી તમારી પસંગનું સ્થાયી યુઝરનેમ બનાવો.
નિયમો અને શરતો સ્વીકાર્યા પછી અને લોગિન પાસવર્ડ અને પ્રોફાઇલ પાસવર્ડ સેટ કરો અને કેટલાક પ્રશ્નો પસંદ કરો અને જવાબ આપો.
જન્મ તારીખ, જન્મ સ્થળ અને રજિસ્ટર્ડ મોબાઈલ નંબર દાખલ કરો.
બેંક ખાતાની માહિતી જોવા માટે "એકાઉન્ટ સમરી" લિંક પર ક્લિક કરો.
જો તમે “View only right” સાથે રજિસ્ટર્ડ છો, તો તમારી ઓવલાઇન રજિસ્ટ્રેશન પ્રક્રિયાની પ્રિન્ટઆઉટ સાથે તમારા "Transcation right"ને એક્ટિવ કરવા માટે તમારી શાખાનો સંપર્ક કરો.