હોળીના તહેવાર પર દેશની સૌથી મોટી બેંક SBIએ અને બીજી સૌથી મોટી બેંક પંજાબ નેશનલ બેંકે MCLR રેટમાં વધારો કર્યો છે. તો સાથે સાથે બે ખાનગી બેંકે પણ ગ્રાહકોને મોટો ઝટકો આપ્યો છે.
મળતી માહિતી અનુસાર SBIએ MCLR રેટમાં 0.25 ટકાનો વધારો કર્યો છે. ત્યારે પંજાબ નેશનલ બેંકે MCLR રેટમાં 0.15 ટકાનો વધારો કર્યો છે. જ્યારે AXIS બેંકે અને ICICI બેંકે 0.10 ટકાનો વધારો કર્યો છે. જેના કારણે બેંકોની હોમલોનથી લઈને ઓટો લોન બિઝનેસ લોન મોંઘી થઈ જશે.
બેંકો તરફથી વધારવામાં આવેલા દર 1 માર્ચ 2018થી લાગુ થઈ ગયા છે. જે પણ નવા ગ્રાહકો આ બેંકમાંથી લોન લેશે તેમને આજથી ધિરાણ મોંઘુ પડશે. આ ઉપરાંત ગ્રાહકોની લોન ફ્લોટિંગ રેટ પર હશે તો તેમના EMIમાં વધારો થશે. જ્યારે MCLR રેટ પર લોન લીધી હશે તો તે લોકોની EMI હાલ નહીં વધે. પરંતુ લોન પિરીયડના આધારે પાછળથી EMI વધશે. આ ઉપરાંત બેઝ રેટ પર લોન લીધી હશે તો તેવા લોકોની EMIમાં કોઈ ફરક નહીં પડે.