હોળીના દિવસે જ દેશની સૌથી મોટી બેંક સ્ટેટ બેંક ઑફ ઇન્ડિયા (SBI) અને બીજી મોટી સૌથી મોટી બેંક પંજાબ નેશનલ બેંક (PNB) ગ્રાહકોને સૌથી મોટો ઝટકો આપ્યો છે. SBIએ MCLR રેટ 0.25% વધારી દીધો છે. જ્યારે PNBએ MCLR રેટ 0.15% વધારી દીધો છે. આ કારણે જ બંને બેંકોની હોમલોનથી લઇને ઑટો લોન અને બિઝનેસ લોન મોંઘીં થઇ જશે. બેંકો તરફથી વધારવામાં આવેલા દરો 1 માર્ચ 2018થી લાગુ થઇ ગયા છે. એપ્રિલ 2016 પછી પહેલી વખત SBIએ દરોમાં વધારો કર્યો છે.
જે લોકોએ બેઝ રેટ પર લોન લીધી છે તેમના પર કોઇ અસર નહી થાય. એટલે કે તેમની લોનની EMI પર કોઇ અસર નહી થાય. તેનું કારણ એ છે કે SBI અને PNBએ માત્ર MCLR રેટ વધાર્યો છે. બેઝ રેટ પર કોઇ ફેરફાર કર્યો નથી.
લોનના સમયગાળા પ્રમાણે નવા રેટ:
SBIએ 3 વર્ષના MCLR રેટને 8.10% થી વધારીને 8.35% કર્યો છે જ્યારે 2 વર્ષના MCLR રેટને 8.05% થી વધારીને 8.25% કર્યો છે. એક વર્ષના MCLR રેટને 7.95% થી વધારીને 8.15% કર્યો છે.
PNBએ 3 વર્ષના MCLR રેટને 8.45% થી વધારીને 8.60% કર્યો છે જ્યારે 2 વર્ષના MCLR રેટને 8.30% થી વધારીને 8.45% કર્યો છે. એક વર્ષના MCLR રેટને 8.15% થી વધારીને 8.30% કર્યો છે.