MCLR / SBIએ આપ્યો મોટો ઝટકો, બેંકે બદલેલા નિયમોથી ગ્રાહકોને પડી શકે છે ભારે મુશ્કેલી

• SBIએ આપ્યો મોટો ઝટકો
• MCLR નાં રેટ્સમાં કર્યાં બદલાવ
• ફેડરલ બેંકે પણ નવાં રેટ્સ કર્યાં જાહેર

MCLR દેશની સૌથી મોટી સાર્વજનિક ક્ષેત્રની બેંક ભારતીય સ્ટેટ બેંકે ગ્રાહકોને ઝટકો લાગે તેવું પગલું ભરેલ છે. હવે SBIથી લોન લેવું મોંઘુ પડશે અને નવા- જૂનાં ગ્રાહકોની ઇએમઆઇ વધી જશે.  SBI અને ફેડરલ બેંકે પોતાના ગ્રાહકો માટે એક નવો નિયમ લાગૂ પાડેલ છે. બેંકે વિભિન્ન મુદ્તની લોન માટે માર્જિનલ કોસ્ટ બેસ્ડ લેન્ડિંગ રેટ એટલે કે MCLR માં 25 બેસિસ પોઇન્ટ્સનો વધારો કરવાની ઘોષણાં કરેલ છે.  જૂન, જૂલાઇ અને ઑગ્સટમાં પણ એસબીઆઇએ MCLRમાં વધારો કરેલ હતો. 

15ઑક્ટોબર,2022 થી SBIનાં MCLR
એક દિવસ- 7.60%
એક મહિને- 7.60%
3 મહિને- 7.60%
6 મહિને - 7.90% 
1 વર્ષ - 7.95%
2 વર્ષ- 8.15%
3 વર્ષ- 8.25%

16 ઑક્ટોબર,2022થી ફેડરલ બેંકનાં MCLR
એક દિવસ- 8.45%
એક મહિને- 8.50%
3 મહિને- 8.55%
6 મહિને - 8.65% 
1 વર્ષ - 8.70%

FD પર વધ્યાં વ્યાજદર
આ સિવાય હાલમાં બેંકો તરફથી વ્યાજદરનાં વ્યાજ પણ વધારવામાં આવ્યાં છે. બેંકની ઓફિશિયલ વેબસાઇટ પર અપડેટ છે જેમાં આપેલ જાણકારી અનુસાર SBI એ પોતાની મુદ્ત માટે FD દરોમાં 20 બેસિસ પોઇન્ટસ સુધીની વૃદ્ધિ કરેલ છે. નવા વ્યાજનાં દર 2 કરોડ રૂપિયાથી ઓછાં રૂપિયાની ફિક્સડ ડિપોઝિટ પર લાગૂ થશે. બેંકની વેબસાઇટ અનુસાર એફડી પર વધેલ વ્યાજદરો પણ 15 ઑક્ટોબર 2022થી લાગૂ પડશે.  

બે મહિનાના ગેપ બાદ વધાર્યાં દરો
બેંકે બે મહિના બાદ રિટેલ એફડીનાં વ્યાજદરો પર વધારો કર્યો છે. એસબીઆઇની વેબસાઇટ અનુસાર FD વ્યાજદરોમાં વધારો 10 બેસિસ પોઇ્ટસથી હવે 20 બેસિસ પોઇન્ટસ કરવામાં આવેલ છે.

RBIએ વધાર્યાં હતાં રેપોરેટ
RBI એ વર્તમાનમાં જ નાણાકીય નીતિ સમીક્ષામાં  રેપોરેટ 0.5 % વધારીને કુલ 5.9% કરેલ છે જેનાં પછીથી બેંકોએ MCLRને વધારવાનું શરૂ કરેલ છે.  હાલનો રેપોરેટ છેલ્લા ત્રણ વર્ષોમાં સૌથી ઊંચો છે. આ વર્ષમાં અત્યાર સુધી RBI એ મે મહિનામાં 0.40% વૃદ્ધિ કર્યા બાદ જૂન અને ઑગસ્ટ બંનેમાં 0.50-0.50% જેટલી વૃદ્ધિ કરેલ છે એટલે કે આ વર્ષમાં કુલ રેપોરેટમાં 1.90% જેટલો વધારો RBI એ કરેલ છે.