જો તમે ભારતીય સ્ટેટ બેન્ક (SBI) ના ગ્રાહક છો તો આ સમાચાર આપના માટે છીએ. બેન્કે 31 માર્ચથી એક ખાસ સર્વિસનો ચાર્જ વધારી દીધો છે. અહીં આપણે આ સર્વિસ વિશે વિસ્તારથી જાણીએ.
ભારતીય સ્ટેટ બેન્ક (SBI) ના ગ્રાહકો માટે મોટા સમાચાર
બેન્કે 31 માર્ચથી બેન્ક લોકર સર્વિસનો ચાર્જ વધારી દીધો છે
બેન્કની તરફથી જારી સર્કુલર મુજબ આ વધારો 3000 રૂપિયા સુધીનો હશે
બેન્કે સેફ ડિપોઝિટ લોકર માટેના ભાડામાં વધારો કરવાનું એલાન કર્યું છે. બેન્કની તરફથી જારી સર્કુલર મુજબ આ વધારો 3000 રૂપિયા સુધીનો હશે. સર્કુલરમાં જણાવવામાં આવ્યું છે કે એસબીઆઇ સ્મોલ, મીડિયમ, લાર્જ અને એકસ્ટ્રા લાર્જ દરેક પ્રકારના લોકરના ભાડામાં વધારો કરી રહ્યો છે. મેટ્રો અને શહેરી ક્ષેત્રમાં સ્મોલ લોકરનું ભાડુ 2,000 રૂપિયા કરી દેવાયું છે.
ત્યારે આ વિસ્તારોમાં મીડિયમ, લાર્જ અને એક્સ્ટ્રા લાર્જના લોકરનું ભાડુ 4000 રૂપિયા 8000 રૂપિયા અને 12,000 રૂપિયા કરી દેવામાં આવ્યું છે. આ પ્રકારે 31 માર્ચથી સેમી અર્બન અને ગ્રામીણ વિસ્તારોમાં એસબીઆઇના સ્મોલ, મીડિયમ, લાર્જ અને એક્સ્ટ્રા લાર્જ લોકરનું ભાડુ ક્રમશ: 1500 રૂપિયા, 3000 રૂપિયા, 6000 રૂપિયા અને 9000 રૂપિયા થઇ જશે.
SBIમાં 12 વાર લોકર વિઝિટ ફ્રી છે. જ્યારે એસબીઆઇમાં સ્મોલ અને મીડિયમ સાઇઝ લોકર ખોલાવવા માટે વન ટાઇમ રજિસ્ટ્રેશન ચાર્જ 500 રૂપિયા+GST છે. જ્યારે લાર્જ અને એક્સ્ટ્રા લાર્જ લોકર માટે રજિસ્ટ્રેશન ચાર્જ 1000 રૂપિયા+GST છે. હાલ તો આ સર્વિસના નવા ચાર્જ 31 માર્ચ 2020થી લાગુ થવાના છે.