એસબીઆઇના બેંક ખાતેદારો માટે મહત્વના સમાચાર, હવે ફિક્સ ડિપોઝીટ કરવા બદલ વ્યાજના દરમાં કરવામાં આવ્યો વધારો
SBIએ FD પર વ્યાજમાં કર્યો વધારો
નવા દર 10મેથી લાગુ
5 થી 10 વર્ષની FD પર સૌથી વધુ વ્યાજ
સ્ટેટ બેંક ઑફ ઇન્ડિયાના કરોડો ગ્રાહકો માટે ગુડ ન્યૂઝ સામે આવ્યા છે. જો તમારુ બેંક એકાઉન્ટ એસબીઆઇમાં હોય તો તમારા માટે સૌ ટકા ફાયદાની વાત છે. કારણ તે બેંકો દ્વારા ફરી એકવાર FD વ્યાજ દરમાં વધારો કર્યો છે. બેંકની સત્તાવાર વેબસાઇટ પર અપડેટ કરાયેલી માહિતી અનુસારલ જાહેર ક્ષેત્રની સૌથી મોટી બેંક SBIએ 2 કરોડ અને તેનાથી વધુની થાપણો પર વ્યાજ દરમાં વધારો કર્યો છે.
નવા દરો 10 મેથી લાગુ થશે
બેંક દ્વારા વધારવામાં આવેલા નવા રેટ 10મે એટલે કે મંગળવારથી પ્રભાવિત થયા છે. જો કે બેંકે શોર્ટ ટર્મ ફિક્સ ડિપોઝીટ પર વ્યાજદરમાં વધારો કર્યો નથી.બેંકો દ્વારા 46 થી 149 દિવસમાં પાકતી FD પર 50 બેસિસ પોઈન્ટ્સ વ્યાજમાં વધારો કરવામાં આવ્યો છે. બીજી તરફ, એક વર્ષથી વધુ અને બે વર્ષથી ઓછા સમયની થાપણોમાં 40 બેસિસ પોઈન્ટનો વધારો કરવામાં આવ્યો છે.
5 થી 10 વર્ષની FD પર સૌથી વધુ વ્યાજ
બે વર્ષથી વધુ અને ત્રણ વર્ષથી ઓછી થાપણો પરના વ્યાજ દરમાં 65 બેસિસ પોઈન્ટનો વધારો કરવામાં આવ્યો છે. એ જ રીતે, ત્રણથી પાંચ વર્ષ અને 5થી 10 વર્ષની એફડી પર સૌથી વધુ વ્યાજ વધારવામાં આવ્યું છે. આ બંને સમયગાળામાં એફડી પર ગ્રાહકોને 4.5 ટકા પ્રતિ વર્ષ વ્યાજ મળશે. આ પહેલા વ્યાજ દર 3.6 ટકા હતો.
રેપો રેટમાં 40 બેસિસ પોઈન્ટનો વધારો
રિઝર્વ બેંક ઓફ ઈન્ડિયા (RBI) દ્વારા રેપો રેટમાં અચાનક 40 પૈસાના વધારા બાદ ઘણી બેંકોએ વ્યાજ દરમાં વધારો કર્યો છે. તમને જણાવી દઈએ કે ગયા અઠવાડિયે RBI ગવર્નર શક્તિકાંત દાસે અચાનક રેપો રેટ 4 ટકાથી વધારીને 4.40 ટકા કરવાની જાહેરાત કરી હતી.
કોને ફાયદો થશે ?
SBI તરફથી સંશોધિત થયેલા વ્યાજના દરમાં ફાયદો નવી એફડી અને મેચ્યોર એફડી બંનેમાં રિન્યૂઅલ્સ પર લાગુ થશે. બેંક દ્વારા સિનિયર સિટીઝનને દરેક સમયગાળા માટે વ્યાજના દરે 50 બેસિસ પોઈન્ટનું વધારાનું વ્યાજ ચૂકવવામાં આવે છે. નોંધનીય છે કે SBI તરફથી 7 દિવસથી 10 વર્ષ સુધીની એફડી પર 3ટકાથી 5.5 ટકા વ્યાજ આપી રહી છે. સિનિયર સિટીઝનોને 3.5 થી 6 ટકા વર્ષે વ્યાજ મળી રહ્યું છે.