દેશની સૌથી મોટી સરકારી બેંક સ્ટેટ બેંક ઑફ ઇન્ડિયા (SBI)એ 'ગ્રીન કાર લોન' રજૂ કરી છે. બેંકે તેનો દર સામાન્ય ઓટો લોન કરતા 0.20% ઓછો નક્કી કર્યો છે. પરંતુ ગ્રીન કાર લોન માટે કેટલીક શરતો પણ નક્કી કરવામાં આવી છે. જોકે, આ લોન માટે સૌથી ઓછો EMI અને પેપર વર્ક પણ બહુ ઓછું હશે. જરૂરી શરતો પૂરી કર્યા પછી બેંક લોન આપશે. અત્યારે બેંક આ લોન માટે અપ્લાય કરનાર વ્યક્તિ પાસેથી પ્રોસેસિંગ ફી તરીકે કોઈ ચાર્જ વસૂલતી નથી. તમે આ લોન 96 મહિના માટે 1498 રૂપિયાના સરળ હપ્તાને મળશે.
શું છે ગ્રીન કાર લોન?
SBIએ ઈલેક્ટ્રિક વાહન ખરીદતા લોકોને વ્યાજમાં 0.20 % છૂટ આપવાની જાહેરાત કરી છે. આ ઈલેક્ટ્રિક કારની ખરીદી માટે લોન્ચ થયેલી પહેલી ગ્રીન કાર લોન છે. આ પહેલનો ઉદ્દેશ ઈલેક્ટ્રિક વાહનની ખરીદીને પ્રોત્સાહન આપવાનો છે.
SBIની ગ્રીન કાર લોન ગાડીની ઓન રોડ પ્રાઇઝની 90 % રકમ ફિનેન્સ કરે છે. ઓન રોડ પ્રાઇઝમાં રજિસ્ટ્રેશન, એક્સટેન્ડેડ વોરન્ટી, ટોટલ સર્વિસ પેકેજ, એન્યુઅલ મેઇન્ટેનન્સ કોન્ટ્રાક્ટ, કોસ્ટ ઓફ એક્સેસરીઝ વગેરેનો સમાવેશ થાય છે. આ લોન વિશે વધુ જાણકારી મેળવવા https://www.sbi.co.in/portal/web/personal-banking/sbi-car-loan-lite-scheme આ લિંક પર ક્લિક કરો.
લોન માટે આ રીતે અપ્લાય:
SBIની વેબસાઇટ પર જાણકારી અનુપસાર, અરજી કરવા માટે ઉંમર 21થી 65 વર્ષની વચ્ચે હોવી જોઇએ. એવામાં સરકારી અથવા PSU કર્મચારી, જેની ન્યૂનતમ આવક વાર્ષિક 3 લાખ રૂપિયા હોય, જેમણે લોન મળી શકે છે. ત્યારે વેપારીઓ માટે ન્યૂયતમ આવક 4 લાખ રૂપિયા રખાઇ છે. બેંક કૃષિ ક્ષેત્ર સાથે જોડાયેલા લોકોની પણ આ સુવિધા આપવામાં આવશે, તેમની ઇન્કમ 4 લાખ રૂપિયા સુધીની હોવી જોઇએ.
ગ્રીન કાર લોનના ફીચર્સ:
- SBIની સામાન્ય કાર લોનની તુલનામાં ગ્રીન કાર લોન પર 0.20 જ્ઞ ઓછું વ્યાજ આપવું પડશે.
- SBIની સામાન્ય કાર લોનમાં 7 વર્ષનો રિ-પેમેન્ટ પિરિઅડ હોય છે.
- ગ્રીન કાર લોન લોન્ચ થયાના 6 મહિનાની અંદર SBI ગ્રાહક આની પર કોઈપણ પ્રકારની પ્રોસેસિંગ ફી નહીં લે.
- ઓછું વ્યાજ દર, સસ્તી EMI
- મહત્તમ 8 વર્ષ લોનનો સમય
- On Road ફાઇનાન્સ
- On Road કિંમત પર નોંધણી અને વીમો
- સમય પહેલાં પ્રિ-પેમેન્ટ પર કોઈ ચાર્જ નહીં
- કોઈ એડ્વાન્સ EMI નહીં
- એફડી સામે લોન મળશે
લોન લેવા માટે જરૂરી ડોક્યુમેન્ટ્સ:
-છેલ્લા 6 મહિનાના બેન્ક સ્ટેટમેન્ટ
-2 પાસપોર્ટ ફોટા
- આઈડી કાર્ડ: પાસપોર્ટ, પેન કાર્ડ, - મતદાર આઈડી કાર્ડ, ડ્રાઈવિંગ લાઇસન્સ
-લેટેસ્ટ સેલરી સ્લીપ, ફોર્મ નં. 16
-વેપારી વર્ગ અથવા અન્ય લોકો માટે છેલ્લાં 2 વર્ષનું રિટર્ન વળતર
-કૃષિ ક્ષેત્રના અરજદારો માટે જમીનના કાગળો