સ્ટેટ બેંક ઓફ ઈન્ડિયા (SBI)એ શ્રીનગરના દાલ લેકમાં હાઉસબોટ પર ફ્લોટિંગ ATM શરૂ કર્યું છે. આ ફ્લોટિંગ ATM સ્થાનીકો માટે આકર્ષણનો કેન્દ્ર બન્યો છે.
શ્રીનગરના દાલ લેકમાં શરૂ કરાયું ફ્લોટિંગ ATM
સ્થાનિકો અને પ્રવાસીઓની કેશની જરૂરિયાતોને પૂરી પાડશે
દેશના ટોચના નાણાંધીરનારે પણ કર્યા ફ્લોટિંગ ATMના વખાણ
શ્રીનગરની દાલ લેકમાં હાઉસબોટ પર SBI દ્વારા ખોલવામાં આવેલા ફ્લોટિંગ ATMનું ઉદ્ધઘાટન SBIના ચેરમેન દિનેશ ખરેએ કર્યું છે. બેન્કના જણાવ્યા મુજબ આ ફ્લોટિંગ ATM શ્રીનગરના સ્થાનિકો અને પ્રવાસીની સુવિધા માટે શરૂ કરવામાં આવ્યું છે. એક રિપોર્ટ અનુસાર આ તરતું ATM હવે સ્થાનિક લોકો ઉપરાંત પ્રવાસીઓની કેશની જરૂરિયાતોને પણ પૂરી પાડશે. આ સાથે, હવે તે તેમના આકર્ષણનું કેન્દ્ર પણ બની ગયું છે. SBIએ ટ્વિટ કરીને આ માહિતી આપી છે.
SBI opened an ATM on a Houseboat at #DalLake, Srinagar for the convenience of locals & tourists. It was inaugurated by the Chairman, SBI, on 16th August. The #FloatingATM in the popular Dal Lake fulfills a long-standing need & will be an added attraction to the charm of Srinagar. pic.twitter.com/nz3iddHIdp
SBIએ પોતાના ટ્વીટમાં જણાવ્યું હતું કે બેંકે સ્થાનિક લોકો અને પ્રવાસીઓની સુવિધા માટે શ્રીનગરના દાલ લેકમાં હાઉસબોટ પર ફ્લોટિંગ ATM શરૂ કર્યું છે. 16મી ઓગસ્ટના રોજ SBIના ચેરમેન દ્વારા તેનું ઉદ્ધઘાટન કરવામાં આવ્યું હતું. લોકપ્રિય દાલ લેકમાં ફ્લોટિંગ ATM લાંબા સમયની જરૂરિયાત પૂરી કરશે.
દેશના ટોચના નાણાંધીરનારે પણ કર્યા વખાણ
દેશના ટોચના નાણાંધીરનારે એક ટ્વીટમાં કહ્યું કે ફ્લોટિંગ ATMએ શ્રીનગરના આકર્ષણમાં વધારો કર્યો છે. એક રિપોર્ટ અનુસાર, SBI તેના ગ્રાહકો માટે સેવાઓનો સતત વિસ્તરણ કરી રહી છે, જેથી ગ્રાહકોની સુવિધા અને સગવડ વધી શકે.
કેરળમાં પણ છે ફ્લોટિંગ ATM
એક રિપોર્ટ અનુસાર, અગાઉ SBIએ વર્ષ 2004માં કેરળમાં ફ્લોટિંગ ATM શરૂ કર્યું હતું. આ તરતું ATM કેરળ શિપિંગ એન્ડ ઇનલેન્ડ નેવિગેશન કોર્પોરેશન (KSINC)ની 'Jhankar yacht' પર શરૂ કરવામાં આવ્યું હતું.