બચત / 31 જુલાઈ પહેલાં માત્ર આ 1 કામ કરી લો, તમારી FD પર મળતાં વ્યાજ પર નહીં કપાય ઈન્કમ ટેક્સ

• એફડી પર મળતાં વ્યાજ પર ટેક્સ ન કપાય તે માટે કરો આ 1 કામ
• 31 જુલાઈ પહેલાં ભરી દો આ ફોર્મ
• આ રીતે કરો ટેક્સની બચત

વ્યાજ 10,000 રૂપિયાથી વધુ હોવા પર કપાશે ટીડીએસ

તમારે ફોર્મ-15 જી અથવા 15 એચ ભરવું પડશે અને બેંકને કહેવું પડશે કે તમારી વાર્ષિક આવક ટેક્સ સ્લેબમાં આવતી નથી. જેથી તમારી એફડી પર વ્યાજની આવક પર ટીડીએસ નહીં કાપવામાં આવે. તમને જણાવી દઈએ કે, નવી સિસ્ટમ અંતર્ગત 5 લાખ રૂપિયા સુધીની આવક પર કોઈ ટેક્સ વસૂલવામાં  આવશે નહીં. જેથી જો તમારું ટેક્સ પેમેન્ટ શૂન્ય હોય તો ફોર્મ-15 જી ભરીને બેંકને જાણ કરો.  એસબીઆઇ એફડી અને આરડી પર ત્યારે જ ટીડીએસ કાપે છે જ્યારે રોકાણ પરનું વ્યાજ 10,000 રૂપિયાથી વધુ હોય. સાથે જ વરિષ્ઠ નાગરિકો માટે આ મર્યાદા 50,000 રૂપિયા સુધીની છે.

ફોર્મ 15G/H એક વર્ષ માટે માન્ય હોય છે

15 જીનો ઉપયોગ 60 વર્ષથી ઓછી ઉંમરના ભારતીય નાગરિકો, હિન્દુ અવિભાજિત પરિવાર (HUF) અથવા ટ્રસ્ટ દ્વારા ઉપયોગ કરી શકાય છે. એ જ રીતે ફોર્મ -15 એચનો ઉપયોગ 60 વર્ષથી વધુ ઉંમરના ભારતીય નાગરિકો કરી શકે છે. ફોર્મ 15 જી અથવા 15 એચની માન્યતા ફક્ત એક વર્ષ માટે હોય છે. આ ફોર્મ દર વર્ષે સબમિટ કરાવવું જરૂરી છે. આ ફોર્મ રજૂ કરવામાં મોડું થવા પર જે ટેક્સ ડિડક્ટ કરવામાં આવે છે તેના રિફંડ માટે પણ અરજી કરી શકાય છે. ધ્યાન રાખવું જો તમે તમારું માન્ય પાનકાર્ડ નહીં બતાવો તો ફોર્મ સ્વીકારવામાં આવશે નહીં.

ઘરે બેઠા આ રીતે ભરો ફોર્મ 15 જી અને 15 એચ

ફોર્મ -15 જી ભરીને સબમિટ કરવા માટે 3 વિકલ્પો છે. તમે તમારી હોમ બ્રાંચ, નોન-હોમ બ્રાન્ચ અને એસબીઆઇ ઇન્ટરનેટ બેન્કિંગ પોર્ટલ દ્વારા ફોર્મ -15 જી અથવા 15 એચ સબમિટ કરી શકો છો. તેના માટે 'ઇ-સેવાઓ' પર ક્લિક કરો. હવે ફોર્મ 15 જી અથવા 15 એચ પસંદ કરો. આ પછી Customer Information File (CIF) No પર ક્લિક કરો અને તેને સબમિટ કરો. સબમિટ બટન પર ક્લિક કર્યા બાદ એક પેજ ઓપન થશે, જેમાં કેટલીક પૂર્વ ભરેલી માહિતી હશે. પછી અન્ય માહિતી ભરો. ઓલાઇન સુવિધા ફક્ત સવારે 8 વાગ્યાથી રાત્રે 8 વાગ્યા સુધી ઉપલબ્ધ રહેશે.