જો તમે SBI ના ગ્રાહક છો તો તમારા માટે ખુશખબરી છે. વાસ્તવમાં એસબીઆઇએ પોતાના ગ્રાહકો માટે એક ખાસ ઓફર શરૂ કરી છે. જે હેઠળ 5 લીટર પેટ્રોલ મેળવી શકો છો અને એના માટે એમને એક પણ રૂપિયાની ચુકવણી કરવાની જરૂર નથી. એસબીઆઇ ગ્રાહકો 15 ડિસેમ્બર સુધી આ ઓફરનો લાભ ઊઠાવીને ફ્રી માં પેટ્રોલ ભરાવી શકે છે.
આ ઓફરનો ફાયદો ઊઠાવવા માટે ગ્રાહકોને ઇન્ડિયન ઓઇલ કોર્પોરેશનના કોઇ પણ પેટ્રોલ પંપથી પેટ્રોલ ભરાવ્યા બાદ Bhim Sbi pay દ્વારા પેમેન્ટ કરવું પડશે. આવું કર્યા બાદ ગ્રાહક 5 લીટર સુધી મફતમાં પેટ્રોલ મેળવવાનો હકદાર થઇ જશો.
આ ઓફરનો લાભ ઊઠાવવા માટે તમારે ઓછામાં ઓછું 100 રૂપિયાનું ટ્રાન્ઝેક્શન કરવું જરૂરી છે. ત્યાર બાદ ભીમ એસબીઆઇ એપથી પેમેન્ટ કરતાં જ તમને આ પેમેન્ટની જનરેટેડ રસીદ પ્રાપ્ત થાય છે. આ રસીદમાં 12 નંબરનો કસ્ટમર રેફરન્સ નંબર હશે જેને તમારે 9222222084 પર મોકલવો પડશે. પછી લકી ડ્રો દ્વારા એ લોકોની પસંદગી થશે જેને 5 લીટર ફ્રી પેટ્રોલ ઇનામ મળવાનું છે.
એસબીઆઇએ ખુદ ટ્વિટ કરીને આ વાત માટેની જાણકારી આપી છે. બેંકે આ ઓફર 15 ઓક્ટોબરથી શરૂ કરી હતી ત્યારબાદ લોકોનો સારો રિસપોન્સ મળ્યા બાદ આ ઓફરને 15 ડિસેમ્બર સુધી વધારી દેવામાં આવી છે.