જાણવા જેવું / અર્થશાસ્ત્રીઓએ આપેલો આ ફોર્મૂલા જાણી આફરીન થઈ જશો, આટલુ સસ્તુ થઈ શકે પેટ્રોલ - ડીઝલ

• રિસર્ચ ટીમે પેટ્રોલ- ડીઝલને જીએસટીમાં લાવવાની સલાહ આપી 
•  રિપોર્ટને એસબીઆઈના ગ્રુપ ચીફ ઈકોનોમિસ્ટ એડવાઈઝર ડો. સોમ્યા કાંતિ ઘોષે તૈયાર કર્યો
• પેટ્રોલ- ડીઝલ અનુક્રમે 75 રુપિયે લીટર અને 68 રુપિયે લીટર મળી શકે

રિસર્ચ ટીમે પેટ્રોલ- ડીઝલને ગૂડ્સ એન્ડ સર્વિસિઝ ટેક્સ(જીએસટી)માં લાવવાની સલાહ આપી 

હાલ દિલ્હીમાં એક લીટર ડીઝલ 81.47 અને પેટ્રોલ 91.17 રુપિયા છે. ભાવે સામાન્ય માણસની કમર તોડી નાંખી છે.  ઉલ્લેખનીય છે કે દેશ ભરમાં પેટ્રોલ 75 રુપિયે લીટર મળી શકે છે. જેને લઈને  એસબીઆઈના અર્થશાસ્ત્રીઓએ એક રિપોર્ટ જારી કર્યો છે.  આ રિસર્ચ ટીમે પેટ્રોલ- ડીઝલને ગૂડ્સ એન્ડ સર્વિસિઝ ટેક્સ(જીએસટી)માં લાવવાની સલાહ આપી છે. રિપોર્ટમાં કહ્યું છે કે આ માટે રાજનીતિક ઈચ્છાશક્ત જરુરી છે.  

પેટ્રોલ- ડીઝલ અનુક્રમે 75 રુપિયે લીટર અને 68 રુપિયે લીટર મળી શકે

જો પેટ્રોલ- ડીઝલના ભાવ જીએસટીના દાયરામાં આવે છે તો પછી પેટ્રોલ- ડીઝલ અનુક્રમે 75 રુપિયે લીટર અને 68 રુપિયે લીટર મળી શકે છે. એટલે કે દિલ્હીમાં 4 માર્ચના હાજર ભાવથી પેટ્રોલ 16 અને ડીઝલ 13 રુપિયા 47 પૈસા પ્રતિ લીટર સસ્તુ મળી શકે છે.

 રિપોર્ટને એસબીઆઈના ગ્રુપ ચીફ ઈકોનોમિસ્ટ એડવાઈઝર ડો. સોમ્યા કાંતિ ઘોષે તૈયાર કર્યો છે

જો પેટ્રોલ- ડીઝલને જીએસટીના દાયરામાં નાંખવામાં આવે તો કેન્દ્ર અને રાજ્ય સરકારોની કમાણીમાં ફક્ત 1 લાખ કરોડનો ઘટાડો થશે. જે જીડીપીના 0.4 ટકા માત્ર છે. એસબીઆઈની આ રિપોર્ટને એસબીઆઈના ગ્રુપ ચીફ ઈકોનોમિસ્ટ એડવાઈઝર ડો. સોમ્યા કાંતિ ઘોષે તૈયાર કર્યો છે.

આ છે ફોર્મૂલા

ઉલ્લેખનીય છે કે પેટ્રોલ- ડીઝલ કેન્દ્ર અને રાજ્યોના રાજસ્વનો મુખ્ય સ્ત્રોત છે. જેના કારણે તેને જીએસટીના દાયરામાં નાંખવાથી અચકાઈ રહી છે. અર્થશાસ્ત્રીઓએ રિપોર્ટમાં સમજાવ્યું છે કે આ કેવી રીતે શક્ય બની શકે. અર્થશાસ્ત્રીઓએ 60 ડોલર પ્રતિ બેરલ કાચા તેલ અને 73 રુપિયા પ્રતિ ડોલર એક્સચેન્જ રેટને આધાર માની એક રિપોર્ટ તૈયાર કર્યો છે. એક બેરલમાં 159 લીટર કાચુ તેલ હોય છે. તેમાં તેની ટ્રાન્સપોર્ટ કોસ્ટ પેટ્રોલ રુ. 3.82- ડીઝલ 7.25 રુપિયા જોડવામાં આવ્યા છે. આ બાદ ડીલર કમીશન પેટ્રોલરુ 3.67- ડીઝલ 2.53 રુપિયા લીટર પર રાખવામાં આવી છે. રિપોર્ટમાં સેસ ડીઝલ પર 20 રુપિયા અને પેટ્રોલ પર 30 રુપિયા રાખવાની સલાહ અપાઈ છે. જેમાં કેન્દ્ર અને રાજ્યને સેસમાં બરાબરની ભાગીદારી મળશે. એ બાદ પેટ્રોલ- ડીઝલ પર જીએસટી 28 ટકા રહેશે.  જો આમ કરવામાં આવે તો પેટ્રોલ- ડીઝલ સસ્તા થઈ શકે છે.