દેશની સૌથી મોટી સરકારી બેન્ક SBI ના ગ્રાહકો માટે સારા સમાચાર છે. આ સુવિદ્યા હેઠળ તમે દરરોજ બેન્કમાંથી 20 હજાર રૂપિયા સુધીની રોકડ લેવડ-દેવડ કરી શકશો
SBI ના ગ્રાહકો માટે સારા સમાચાર
SBI એ શરૂ કરી ડોર સ્ટેપ સુવિદ્યા
ડોર સ્ટેપ બેંકિંગ સુવિદ્યા માટે આ શરતો છે.
SBI ના ગ્રાહકો માટે સારા સમાચાર
શું આપ દેશની સૌથી મોટી સરકારી બેન્ક SBI ના ગ્રાહક છો, તો આ સમાચાર તમારા માટે જ છે. જો તમે એટીએમ પર જવાને બદલે ઘરેથી રોકડ ઓર્ડર કરવા માંગો છો , તો તમે આ માટે ડોર સ્ટેપ બેકિંગનો ઉપયોગ કરી શકો છો. આ સુવિદ્યા હેઠળ, તમે બેન્કમાંથી દરરોજ 20 હજાર રૂપિયા સુધીની રોકડ મોકલી શકો છો. ડોર સ્ટેપ બેંકિંગની આ સુવિદ્યા અમુક શરતોને આધીન છે
SBI એ શરૂ કરી ડોર સ્ટેપ સુવિદ્યા
SBIની વેબસાઈટ મુજબ , હોમ બ્રાન્ચમાં ડોર સ્ટેપ સુવિદ્યા માટે નોંધણી જરૂરી છે. રોકડ ઉપાડ અને રોકડ રકમ જમા કરવાની મહત્તમ મર્યાદા 20,000 રૂપિયા છે. આનો અર્થ એ છે કે, ડોર સ્ટેપ સુવિદ્યા હેઠળ, તમે ઘરે બેસીને દિવસમાં 20 હજાર રૂપિયા ઉપાડી અથવા જમા કરાવી શકો છો. આ સિવાય ડોર સ્ટેપ બેંકિંગમાં ચેકબુક, લાઈફ સર્ટિફિકેટ,ડિમાન્ડ ડ્રાફ્ટ અથવા ડિપોઝિટ જેવી સુવિદ્યાઓ પણ ઉપલબ્ધ છે.
ડોર સ્ટેપ બેંકિંગ સુવિદ્યા માટે આ શરતો છે.
ડોર સ્ટેપ બેંકિંગ સુવિદ્યા મેળવવા માટે તામરો મોબાઈલ નંબર એકાઉન્ટમાં નોંધાયેલો હોવો જરૂરી છે. જો તમારી પાસે એકથી વધુ બેંક ખાતા છે, તો પણ તમે આ સુવિદ્યાનો લાભ લઈ શકો છો. એટલું જ નહીં, જો તમારી પાસે સંયુક્ત ખાતું હોય, તો પણ તમે ડોર સ્ટેપ સુવિદ્યાનો લાભ લઈ શકો છો. SBI ની વેબસાઈટ મુજબ દ્રષ્ટિની ક્ષતિ ધરાવતા વ્યક્તિઓ,70 વર્ષથી વધુ ઉંમરના વરિષ્ઠ નાગરિકો અને વિકલાંગતા અથવા વિકલાંગ વ્યક્તિઓ માટે ડોર બેંકિંગ સુવિદ્યા ઉપલબ્ધ છે. ફક્ત સંપૂર્ણ પણે કેવાયસી સુસંગત ખાતા ધારકો જ પાત્ર છે. જો કે, શાખાથી 5 કિલોમીટરની ત્રિજ્યામાં નોંધાયેલા સરનામા પર રહેતા ગ્રાહકો આ સુવિદ્યા મેળવી શકતાં નથી.
SBI ની આ સુવિદ્યા માટે ટોલ ફ્રી નંબરનો સંપર્ક કરી શકાય
SBI ની આ સુવિદ્યા માટે, ટોલ ફ્રી નંબર 1800-1037-188 અને 1800-1213-721 નો સંપર્ક કરી શકાય છે. તમને આ વિશેની વધુ માહિતી https://bank.sbi/dsb લિંક દ્વારા મેળવી શકો છો.