જો તમે SBI ક્રેડિટ કાર્ડ યુઝ કરો છો તો તમને મોટો ઝટકો લાગી શકે છે.
SBIના કરોડો ગ્રાહકો માટે મોટી ખબર
EMI ટ્રાન્ઝેક્શન પર વધશે ચાર્જ
જાણો ગ્રાહકોને કેટલા ચુકવવા પડશે રૂપિયા
SBIના કરોડો ગ્રાહકો માટે મોટી ખબર છે. જો તમે પણ એસબીઆઈ ક્રેડિટ કાર્ડ (SBI Credit Card) યુઝ કરો છો તો તમને મોટો ઝટકો લાગી શકે છે. કાલે એટલે કે 1 ડિસેમ્બરથી તમારા માટે SBI Credit Cardથી શોપિંગ કરવું મોંઘુ પડી શકે છે. હકીકતે હવે SBI Credit Card દ્વારા કરવામાં આવતા EMI ટ્રાન્ઝેક્શન માટે હવે તમારે વધારે પૈસા ચુકવવા પડશે.
ક્યારથી લાગુ થશે નિયમ?
SBI કાર્ડ્સ એન્ડ પેમેન્ટ સર્વિસ પ્રાઈવેટ લિમિટેડે જાહેરાત કરી છે કે EMI ટ્રાન્ઝેક્શન માટે હવે કાર્ડધારકોને 99 રૂપિયાની પ્રોસેસિંગ ફી અને તેના પર ટેક્સ ચુકવવાનો રહેશે. આ નવો નિયમ કાલથી એટલે કે 1 ડિસેમ્બર 2021થી લાગુ થશે.
આપવા પડશે અન્ય પ્રોસેસિંગ ચાર્જ
SBI પોતાના કરોડો ગ્રાહકો પાસેથી SBICPSL રિટેલ આઉટલેટ્સ અને એમેઝોન અને ફ્લિપકાર્ટ જેવી ઈ-કોમર્સ વેબસાઈટ્સ પર કરવામાં આવેલા દરેક ઈએમ આઈ ટ્રાન્ઝેક્શન માટે પ્રોસેસિંગ ફી ચાર્જ કરશે. આ ફી ખરીદીને ઈએમઆઈમાં બદલવા પર લાગતા ઈન્ટરેસ્ટ ચાર્ડના એક્સ્ટ્રા છે. કંપનીએ પોતાના ગ્રાહકોને ઈમેલ દ્વારા નવા ચાર્જ વિશે જાણકારી આપી છે.
ક્યારે આપવામાં આવશે જાણકારી
પ્રોસેસિંગ ચાર્જ ઈએમઆઈમાં પિરવર્તિત ટ્રાન્ઝેક્શન પર લાગુ થશે. તમને જણાવી દઈએ કે હવે નવા નિયમો અનુસાર, 1 ડિસેમ્બર પહેલા કરવામાં આવેલા કોઈ પણ ટ્રાન્ઝેક્શન પર આ પ્રોસેસિંગ ચાર્જથી છૂટ આપવામાં આવશે. કંપની રિટેલ આઉટલેટ પર ખરીદી કરતી વખતે ચાર્જ સ્લિપના માધ્યમથી કાર્ડધારકોને ઈએમઆઈ ટ્રાન્ઝેક્શન પર પ્રોસેસિંગ ચાર્જ વિશે જણાવશે.
આ વિષયમાં ઓનલાઈન ઈએમઆઈ ટ્રાન્ઝેક્શન માટે કંપની પેમેન્ટ પેજ પર પ્રોસેસિંગ ચાર્જ વિશે જાણકારી આપશે. જો તમારૂ ઈએમઆઈ ટ્રાન્ઝેક્શન કેન્સલ થઈ જાય છે તો પ્રોસેસિંગ ફી પરત આપી દેવામાં આવશે. જોકે પ્રી-ક્લોઝરની સ્થિતિમાં આ પરત આપવામાં નહીં આવે. આટલું જ નહીં ઈએમઆઈમાં કન્વર્ટેડ ટ્રાન્ઝેક્શન માટે રિવોર્ડ પોઈન્ટ લાગુ નહીં કરવામાં આવે.